અનંત અંબાણી-રાધિકા મર્ચન્ટના ભવ્ય લગ્નમાં આંતરરાષ્ટ્રીય સ્ટાર્સ પરફોર્મ કરશે

મુંબઈ, ઉદ્યોગપતિ મુકેશ અંબાણી અને નીતા અંબાણીના નાના પુત્ર અનંત અંબાણીના લગ્નની ચર્ચા ગયા વર્ષથી ચાલી રહી છે. અનંત અને તેની ભાવિ પત્ની રાધિકા મર્ચન્ટની પ્રી-વેડિંગ સેલિબ્રેશન આ વર્ષે માર્ચની શરૂઆતમાં થઈ હતી. આ પછી, જૂનમાં બીજું પ્રી-વેડિંગ સેલિબ્રેશન થયું, જેમાં બોલિવૂડથી લઈને હોલીવુડ સુધીના સ્ટાર્સે ભાગ લીધો.

હવે ૧૨ જુલાઈએ અનંત અંબાણી અને રાધિકા મર્ચન્ટ કાયમ માટે એક થવા જઈ રહ્યા છે. અનંત અંબાણી અને રાધિકા મર્ચન્ટ ૧૨મી જુલાઈ ૨૦૨૪ના રોજ મુંબઈમાં લગ્ન કરવા જઈ રહ્યા છે. તેમના પુત્રના લગ્ન પહેલા, મુકેશ અને નીતા અંબાણીએ ૨ જુલાઈના રોજ નવી મુંબઈમાં ૫૦ જરૂરિયાતમંદ યુગલોના લગ્નનું આયોજન કર્યું હતું. આ દરમિયાન લગ્ન સાથે જોડાયેલી મોટી માહિતી પણ સામે આવી છે.

ઈન્ડિયા ટુડે/આજ તક સૂત્રોના જણાવ્યા અનુસાર, પ્રખ્યાત રેપર અને ગાયક ડ્રેક અનંત અને રાધિકાના લગ્નમાં પરફોર્મ કરવા જઈ રહ્યા છે. આંતરરાષ્ટ્રીય કલાકાર ડ્રેક ટૂંક સમયમાં ભારત આવશે. સૂત્રએ એ પણ જણાવ્યું છે કે ડ્રેક સિવાય અંબાણી પરિવારની મેનેજમેન્ટ ટીમ અન્ય આંતરરાષ્ટ્રીય કલાકારો સાથે વાતચીત કરી રહી છે.

મળતી માહિતી મુજબ અનંત અને રાધિકાના લગ્નમાં અમેરિકન સિંગર લાના ડેલ રે અને બ્રિટિશ પોપ સિંગર એડેલ પણ પરફોર્મ કરી શકે છે. રાધિકા મર્ચન્ટ લાના ડેલ રેની મોટી ફેન છે. હાલમાં મેનેજમેન્ટ ટીમ આ કલાકારો સાથે વાતચીતમાં વ્યસ્ત છે. લગ્નની ઉજવણીમાં તેને આમંત્રણ આપવા માટે તારીખ અને પૈસાની લેવડદેવડ નક્કી કરવા માટે વાતચીત ચાલી રહી છે.

અનંત અંબાણી અને રાધિકા મર્ચન્ટના લગ્નની ઉજવણી ૧૨ થી ૧૪ જુલાઈ સુધી ચાલશે. આ લગ્નમાં બોલિવૂડ સ્ટાર્સ ઉપરાંત સ્પોટ્‌ર્સ અને બિઝનેસ જગતના મોટા નામો પણ હાજરી આપશે. આ ભવ્ય લગ્નનું કાર્ડ સોશિયલ મીડિયા પર પહેલાથી જ વાયરલ થઈ ગયું છે.

હોલીવુડની ગાયિકા રીહાન્ના, ધ બેકસ્ટ્રીટ બોયઝ, પીટબુલ અને ઈટાલિયન ઓપેરા સિંગર એન્ડ્રીયા બોસેલીએ અનંત અને રાધિકાના પ્રી-વેડિંગ સેલિબ્રેશનમાં પરફોર્મન્સ આપ્યું હતું. આ કપલના પ્રી-વેડિંગ સેલિબ્રેશનની તસવીરો અઠવાડિયાથી સોશિયલ મીડિયા પર ધૂમ મચાવી રહી હતી.SS1MS