જેલમાં બંધ મુખ્તાર અંસારીને ગેંગસ્ટર કેસમાં ૧૦ વર્ષની સજા

ગાજીપુર, ઉત્તરપ્રદેશની બાંદા જેલમાં બંધ નેતા મુખ્તાર અંસારીને ૧૬ વર્ષ જૂના ગેંગસ્ટર કેસમાં કોર્ટે આજે તેને દોષિત ઠેરવ્યો હતો અને ૧૦ વર્ષની સજા અને ૫ લાખનો દંડ ફટકારવામાં આવ્યો છે. આ કેસમાં ભીમ સિંહને પણ ૧૦ વર્ષની સજા થઈ છે. કોર્ટે આ મામલે ૧૨ ડિસેમ્બરે સુનાવણી પૂરી કરી હતી. ગાઝીપુર ગેંગસ્ટર કોર્ટે આ ચુકાદો સંભળાવ્યો છે. સજા દરમિયાન ભીમ સિંહ કોર્ટમાં હાજર થયો હતો. મુખ્તાર અંસારીને વીડિયો કોન્ફરન્સિંગ દ્વારા પ્રોડ્યુસ કરવામાં આવ્યો હતો.

આ મામલે દલીલ થોડા દિવસો પહેલા જ પૂર્ણ થઈ હતી. વર્ષ ૧૯૯૬માં નોંધાયેલા ગેંગસ્ટર કેસમાં ૨૬ વર્ષ બાદ કોર્ટે નેતા મુખ્તાર અંસારીને દોષિત જાહેર કર્યો હતો. ગેંગસ્ટર એક્ટમાં કુલ ૫ કેસ, ગાઝીપુરમાં બે, વારાણસીમાં બે અને ચંદૌલીમાં એક કેસ નોંધાયો હતો. આ કેસમાં ૧૨મી ડિસેમ્બરે ૧૧ સાક્ષીઓની જુબાની, ઉલટ તપાસ અને ચર્ચા પૂરી થઈ હતી. આ પછી ૧૫ ડિસેમ્બરે ચુકાદો સંભળાવવાની તારીખ નક્કી કરવામાં આવી હતી.

૧૨મી ડિસેમ્બરે એડીજીસી ક્રિમિનલ નીરજ શ્રીવાસ્તવે કહ્યું હતું કે, ‘મુખ્તાર અંસારી અને તેના સહયોગી ભીમ સિંહ વિરુદ્ધ વર્ષ ૧૯૯૬માં ગેંગસ્ટરનો કેસ નોંધવામાં આવ્યો હતો, જે લાંબા સમયથી કોર્ટમાં પેન્ડિંગ હતો, જેનો ર્નિણય ગત ૨૫ નવેમ્બરે આવવાનો હતો પરંતુ અચાનક વિદ્વાન પ્રિસાઇડીંગ ઓફિસરની બદલી થતાં અને નવા પ્રિસાઇડીંગ ઓફિસર આવ્યા બાદ રોજબરોજ સુનાવણી હાથ ધરવામાં આવી હતી અને ૧૨મી ડિસેમ્બરે દલીલ પૂર્ણ થઇ હતી. રાજેન્દ્ર સિંહ હત્યા કેસ નંબર ૪૧૦/૮૮ કલમ ૩૦૨ આઈપીસી પોલીસ સ્ટેશન કેન્ટ, વારાણસી.

વશિષ્ઠ તિવારી ઉર્ફે માલા ગુરુ હત્યા કેસ નંબર ૧૦૬/૮૮ કલમ ૩૦૨ આઈપીસી પોલીસ સ્ટેશન ગાઝીપુર. અવધેશ રાય હત્યા કેસ નંબર ૨૨૯/૯૧ કલમ ૧૪૯, ૩૦૨ આઈપીસી પોલીસ સ્ટેશન ચેતગંજ વારાણસી. કોન્સ્ટેબલ રઘુવંશ સિંહ હત્યા કેસ નંબર ૨૯૪/૯૧ કલમ ૩૦૭, ૩૦૨ પોલીસ સ્ટેશન મુગલસરાય, ચંદૌલી. રઘુવંશ સિંહનું વાહન ચેકિંગ દરમિયાન પોલીસ દળ પર થયેલા જીવલેણ હુમલામાં મૃત્યુ થયું હતું. કેસ નંબર ૧૬૫/૯૬ કલમ ૧૪૮,૩૦૭,૩૩૨, આઈપીસી પોલીસ સ્ટેશન કોતવાલી ગાઝીપુરમાં એડિશનલ એસપી અને અન્ય પોલીસકર્મીઓ પર ખૂની હુમલાના કેસમાં ૧૯૨/૯૬ કલમ ૩ (૧) યુપી ગાઝીપુર પોલીસ સ્ટેશન કોતવાલીનો અન્ય એક કેસ.