કેન વિલિયમસને ફરી એકવાર ન્યૂઝીલેન્ડનો સેન્ટ્રલ કોન્ટ્રાક્ટ ઠુકરાવ્યો
ન્યુઝીલેન્ડ ક્રિકેટે જાહેર કરેલા ૨૦ કરારબદ્ધ ખેલાડીઓની યાદીમાં વિલિયમસનનું નામ શામેલ નથી
વેશિંગ્ટન,ભૂતપૂર્વ કેપ્ટન કેન વિલિયમસને ફરીથી ન્યુઝીલેન્ડ ક્રિકેટ સાથેના સેન્ટ્રલ કોન્ટ્રાક્ટને નકારી કાઢ્યો છે. જેથી તેમની આગામી મહિને ઝિમ્બાબ્વે સામેની બે ટેસ્ટ મેચની શ્રેણીમાં રમવા પર શંકા છે. ્૨૦ અને વિશ્વભરની અન્ય લીગમાં રમવા માટે મુક્ત રહી શકે તે માટે વિલિયમસને ગયા વર્ષે પણ સેન્ટ્રલ કોન્ટ્રાક્ટ ઠુકરાવ્યો હતો. આના બદલે તેમણે ગયા વર્ષે એક અનૌપચારિક કરાર પર હસ્તાક્ષર કર્યા હતા અને ૨૦૨૪માં ન્યુઝીલેન્ડ દ્વારા રમાયેલી ૧૩ ટેસ્ટ મેચોમાંથી નવમાં ભાગ લીધો હતો. એટલું જ નહીં તેમણે ૧,૦૦૦થી વધુ રન પણ બનાવ્યા હતા.મંગળવારે ન્યુઝીલેન્ડ ક્રિકેટ દ્વારા જાહેર કરાયેલા ૨૦ કરારબદ્ધ ખેલાડીઓની યાદીમાં વિલિયમસનનું નામ શામેલ નહોતું. તેમના સિવાય ડેવોન કોનવે, ફિન એલન, ટિમ સીફર્ટ અને લોકી ફર્ગ્યુસનનો પણ આ યાદીમાં સમાવેશ નથી.
આ બધા ખેલાડીઓ વિદેશમાં ટી૨૦ લીગમાં રમી રહ્યા છે. એવી શક્યતા છે કે વિલિયમસન ફરીથી અનૌપચારિક કરાર પર હસ્તાક્ષર કરશે.ઓલરાઉન્ડર મુહમ્મદ અબ્બાસ અને ઝેક ફોલ્કેસ, વિકેટકીપર મિચ હે અને સ્પિનર આદિ અશોકને નિવૃત્તિ લઈ ચૂકેલા ટિમ સાઉથી, ઇશ સોઢી, એજાઝ પટેલ અને જોશ ક્લાર્કસનની ગેરહાજરીમાં પ્રથમ વખત કરારબદ્ધ કરવામાં આવ્યા છે.વિલિયમસન હાલમાં ઇંગ્લિશ કાઉન્ટી ચેમ્પિયનશિપ અને ટી૨૦ બ્લાસ્ટમાં મિડલસેક્સ માટે અને ધ હન્ડ્રેડમાં લંડન સ્પિરિટ માટે રમી રહ્યો છે. જુલાઈના અંતમાં અને ઓગસ્ટની શરૂઆતમાં ન્યુઝીલેન્ડ ઝિમ્બાબ્વે સામે રમશે ત્યારે તેની કાઉન્ટી પ્રતિબદ્ધતાઓ હોવાની અપેક્ષા છે.
ગયા મહિને લંડનમાં એક ન્યૂઝ કોન્ફરન્સમાં વિલિયમસને કહ્યું હતું કે કેઝ્યુઅલ કોન્ટ્રાક્ટ પર તેમનું ભવિષ્ય ‘ફક્ત પ્રગતિમાં છે અને ન્યુઝીલેન્ડ ક્રિકેટે તેની સાથે ખૂબ સારું કામ કર્યું છે અને હું સમગ્ર સમય દરમિયાન ભાગ્યશાળી રહ્યો છું.’આ યાદીમાં મુહમ્મદ અબ્બાસ, આદિ અશોક, ટોમ બ્લંડેલ, માઈકલ બ્રેસવેલ, માર્ક ચેપમેન, જેકબ ડફી, જેક ફોલ્કેસ, મિચ હે, મેટ હેનરી, કાયલ જેમીસન, ટોમ લેથમ, ડેરિલ મિશેલ, હેનરી નિકોલ્સ, વિલિયમ ઓ’રોર્ક, ગ્લેન ફિલિપ્સ, રચિન રવિન્દ્ર, મિશેલ સેન્ટનર, બેન સીયર્સ, નાથન સ્મિથ અને વિલ યંગ શામેલ છે. કરારબદ્ધ ૨૦ ખેલાડીઓને ગયા વર્ષ દરમિયાન સ્થાનિક અને આંતરરાષ્ટ્રીય પ્રદર્શનના આધારે રેન્કિંગ આપવામાં આવ્યું હતું.SS1
