જૂનથી ઓગસ્ટ સુધી કામ નથી કરતા કરીના અને સૈફ: આ છે કારણ

કરીના અને સૈફને બોલિવૂડનું પાવર કપલ કહેવામાં આવે છે –કરીના કપૂર ખાન ગયા વર્ષે ફિલ્મ જાને જાનમાં જોવા મળી હતી, હવે બેબો ટૂંક સમયમાં જ ફિલ્મ ક્રૂમાં જોવા મળવાની છે

મુંબઈ,  કરીના કપૂર ખાન અને સૈફ અલી ખાનને બોલિવૂડનું પાવર કપલ કહેવામાં આવે છે. માત્ર એટલા માટે જ નહીં કે તેઓ એકસાથે ખૂબ જ સુંદર દેખાય છે, પરંતુ તેઓ જે રીતે એકબીજાની પ્રશંસા કરે છે તે પણ તેમના ચાહકોને ખૂબ જ પસંદ છે. ચાહકો આ કપલને પ્રેમથી ‘સૈફીના’ પણ કહે છે. લગ્નના ૧૧ વર્ષ બાદ પણ આ કપલનો પ્રેમ હજુ પણ એવો જ છે.

આ કપલની ઉંમરમાં ૧૦ વર્ષનું અંતર હોવા છતાં પણ તેનાથી તેમના સંબંધો પર કોઈ અસર થઈ નથી. હવે તાજેતરમાં જ બેબોએ તેના અને સૈફના કામ વિશે મોટો ખુલાસો કર્યો છે. કરીનાએ કહ્યું કે અમે બંને દર વર્ષે જૂનથી ઓગસ્ટ સુધી શૂટિંગ નથી કરતા. અહેવાલ મુજબ કરીના કપૂર ખાને કહ્યું છે કે જ્યારે સૈફ પોતાના કામમાં વ્યસ્ત હોય છે ત્યારે હું ઘરમાં બાળકો સાથે સમય વિતાવું છું અને જ્યારે હું વ્યસ્ત હોઉં છું ત્યારે સૈફ ઘરમાં જ રહીને બાળકો સાથે સમય વિતાવે છે.

બેબોએ વધુમાં કહ્યું કે તેના અને સૈફ વચ્ચે નક્કી થયું છે કે તે જૂનથી ઓગસ્ટ સુધી કામ નહીં કરે કારણ કે આ તેના પુત્ર તૈમૂર અલી ખાનની સૌથી લાંબી સ્કૂલ રજાઓનો સમય છે, જેમાં તે તેને વેકેશન પર લઈ જાય છે અથવા વધુને વધુ સમય પરિવાર સાથે પસાર કરવા માંગે છે.

કરીના કપૂર ખાન ગયા વર્ષે ફિલ્મ જાને જાનમાં જોવા મળી હતી. હવે બેબો ટૂંક સમયમાં જ ફિલ્મ ક્રૂમાં જોવા મળવાની છે, જેની ચર્ચા ચાહકોમાં ઝડપથી થઈ રહી છે. આ ફિલ્મનું ટીઝર શનિવારે રિલીઝ કરવામાં આવ્યું હતું. આ એક કોમેડી ફિલ્મ છે, જેમાં કરીના, તબ્બુ અને કૃતિ જોવા મળશે. આ સિવાય કપિલ શર્મા અને દિલજીત દોસાંઝ પણ જોવા મળશે. આ ફિલ્મ ૨૯ માર્ચે સિનેમાઘરોમાં રિલીઝ થશે.ss1