હવે કટરાથી શ્રીનગરની મુસાફરીમાં વંદેભારતમાં ૩ કલાક લાગશેઃ રોડ માર્ગે 7 કલાક થતાં હતા
વંદે ભારત સાથે આ રૂટ પર મુસાફરી હવે સરળ બનશે.
USBRL પ્રોજેક્ટ પછી, ઘણા વર્ષોની રાહનો અંત આવશે. જમ્મુ અને શ્રીનગર વચ્ચે વંદે ભારત ચલાવવાથી ઘણા કલાકોનો સમય બચશે. કટરાથી શ્રીનગરની મુસાફરી હવે ફક્ત 3 કલાકમાં થશે. હાલમાં રોડ માર્ગે મુસાફરી કરવામાં 6 થી 7 કલાક લાગે છે.
હાલમાં,કટરા અને શ્રીનગર વચ્ચે વંદે ભારત ચલાવવાનું આયોજન છે. હાલમાં, ખીણમાં શ્રીનગરથી સાંગલદાન સુધી ટ્રેનો દોડે છે. હવે, સાંગલદાનથી કટરા સુધીની રેલ્વે લાઈન ખુલ્યા પછી, આ ટ્રેનો કટરા સુધી દોડી શકાશે.
USBRL પ્રોજેક્ટ: કાઝીગુંડ-બારામુલ્લા સેક્શન વર્ષ 2009 માં શરૂ કરવામાં આવ્યું હતું. વર્ષ 2013 માં 18 કિમી બનિહાલ-કાઝીગુંડ સેક્શન, વર્ષ 2014 માં 25 કિમી ઉધમપુર-કટરા, વર્ષ 2023 માં બનિહાલ થી સાંગલદાન અને હવે સાંગલદાન થી કટરા વચ્ચે શરૂ થવા જઈ રહ્યું છે. વિશ્વનો સૌથી ઊંચો રેલ આર્ચ બ્રિજ – ચેનાબ બ્રિજ આ પ્રોજેક્ટનો એક ભાગ છે. હવે ટનલ, પુલ અને ખીણોને કારણે રેલ મુસાફરી વધુ આનંદપ્રદ બનશે.
