ખ્યાતિ હોસ્પિટલ સાથે જોડાયેલા ડૉક્ટર રાજ્યની અન્ય હોસ્પિટલમાં પણ કામ કરી શકશે નહીં

• SAFU (સ્ટેટ એન્ટી ફ્રોડ યુનિટ) દ્વારા એક વર્ષમાં રાજ્યની ૯૫ હોસ્પિટલની મુલાકાત કરાઇ : ગેરરિતી બદલ પાંચ હોસ્પિટલને સસ્પેન્ડ કરીને રૂ. ૨૦ કરોડથી વધુની રકમનો દંડ વસુલાયો

અમદાવાદની ખ્યાતિ હોસ્પિટલમાં બનેલ ઘટનાને પગલે આરોગ્યમંત્રી શ્રી ઋષિકેશ પટેલે ગાંધીનગર ખાતે સર્વગ્રાહી સમીક્ષા બેઠક કરીને કડક કાર્યવાહી કરવા સૂચના આપી

ખ્યાતિ હોસ્પિટલને PMJAY–મા યોજનાની માર્ગદર્શિકા અનુસાર કાયમી બ્લેક લિસ્ટ કરાઇ

અમદાવાદની ખ્યાતિ હોસ્પિટલમાં બનેલ દુ:ખદ ઘટનાની સરકારે ગંભીરતાથી નોંધ લીધી છે – આરોગ્ય વિભાગના અગ્ર સચિવ શ્રી ધનંજય દ્વિવેદી

રાજ્યમાં PMJAY–મા યોજના અંતર્ગત કરાતી કાર્ડિયોલોજી અને કાર્ડિયોવાસક્યુલર સર્જરીના વ્યવસ્થાપનના સુદ્રઢીકરણ માટેની SOP ટૂંક સમયમાં જાહેર કરાશે

• હોસ્પિટલના માલિક અને એમ્પેન્લમેન્ટ ડૉક્ટર વિરૂધ્ધ ભારતીય ન્યાય સંહિતા(BNS) ની કલમ ૧૦૦, ૧૦૫, ૩૩૬, ૬૧ સહિતની અન્ય કલમો અંતર્ગત સરકાર દ્વારા પોલિસ ફરિયાદ કરાશે
• આ ઘટના સાથે સંકળાયેલા ડૉક્ટર વિરૂધ્ધ જરૂરી પગલાં લેવા માટે Gujarat Medical Council ને સુચના અપાશે. વઘુમાં હોસ્પિટલમાં અગાઉ થયેલ Cardiologyના કેસોની પણ ચકાસણી કરાશે.
• Clinical Establishment Act અન્વયે ચોક્કસ Procedure માટે ‘Informed Consent’ અંગેની ચોક્કસ જોગવાઈઓ દાખલ કરવામાં આવશે

અમદાવાદની ખ્યાતિ હોસ્પિટલમાં બનેલી ઘટના સંદર્ભે આરોગ્ય વિભાગના અગ્ર સચિવ શ્રી ધનંજય દ્વિવેદીએ દુ:ખ વ્યક્ત કરતા જણાવ્યું હતું કે, આ ઘટનાની  સરકારે ગંભીરતાથી નોંધ લીધી છે. આરોગ્યમંત્રી શ્રી ઋષિકેશ પટેલના અધ્યક્ષસ્થાને ગાંધીનગર ખાતે મળેલી સમીક્ષા બેઠકમાં સમગ્ર ઘટનાની વિગતવાર ચર્ચા કરવામાં આવી હતી. મંત્રીશ્રી દ્વારા આ ઘટનામાં જવાબદાર કોઈને પણ છોડવામાં આવે નહીં અને આ હોસ્પિટલના માલિક, સંચાલકો, તબીબો સહિતના લોકો વિરુદ્ધ રાજ્ય સરકાર દ્વારા કડકમાં કડક પગલાં લેવામાં આવે તેવી સૂચના આપવામાં આવી હતી.

Watch | The probe reveals that the angioplasty performed on 7 people at Khyati Hospital was not even required: Dhananjay Dwivedi, Principal Secretary of the Health & Family Welfare Department, Gujarat, in media briefing todayhttps://t.co/61ITu4u5Vx pic.twitter.com/2nrHHRWkZc

— DeshGujarat (@DeshGujarat) November 13, 2024

વધુ વિગતો આપતા શ્રી દ્વિવેદીએ ઉમેર્યુ હતું કે, તા. ૧૨ નવેમ્બરના રોજ આરોગ્ય વિભાગ દ્વારા યુ.એન.મહેતાના કાર્ડિયોલોજીસ્ટ, સોલા સિવિલ હોસ્પિટલના તજજ્ઞો તેમજ PMJAY-મા યોજના હેઠળની SAFU(સ્ટેટ એન્ટી ફ્રોડ યુનિટ)ના તપાસ સમીતિની રચના કરાઇ હતી.

આ સમીતીએ ખ્યાતિ હોસ્પિટલની મુલાકાત લીધા બાદ જે ક્ષતિઓ જણાઇ તે રીપોર્ટ આરોગ્ય વિભાગને રજૂ કર્યો હતો. જેમાં પ્રારંભિક તબક્કે જાણવા મળ્યું છે કે , ખ્યાતિ હોસ્પિટલની ટીમ દ્વારા મહેસાણા જિલ્લાના કડી તાલુકાના બાલિસણા ગામે આરોગ્ય કેમ્પ કરીને ૧૯ જણાને અમદાવાદ સ્થિત હોસ્પિટલ ખાતે સર્જરી માટે લાવવામાં આવ્યા હતા. જેમાંથી ૧૯ દર્દીઓની એન્જીયોગ્રાફી અને તેમાંથી ૦૭ દર્દીઓની એન્જીયોપ્લાસ્ટી કરાઇ હતી. આ ૦૭ દર્દીઓ પૈકી ૦૨ દર્દીઓનું દુ:ખદ મૃત્યુ નિપજ્યું હતું.

આ સમગ્ર ઘટનામાં કમિટીને ગુનાહિત કૃત્ય અને મેડિકલ બેદરકારી જણાઇ આવતા રાજ્ય આરોગ્ય વિભાગ દ્વારા ખ્યાતિ હોસ્પિટલ સંદર્ભે ગેરરિતી બદલ મહત્વપૂર્ણ નિર્ણય કરાયો છે.

અમદાવાદ સ્થિત ખ્યાતી હોસ્પિટલને પી.એમ.જે.વાય-મા યોજનાની માર્ગદર્શિકા અનુસાર કાયમીપણે બ્લેકલીસ્ટ કરવામાં આવી છે.

આ ઘટના સંદર્ભે ખ્યાતિ હોસ્પિટલ સાથે જોડાયેલ ડૉક્ટર રાજ્યની અન્ય કોઈ પણ હોસ્પિટલમાં કામ કરી શકશે નહી. હોસ્પિટલના માલિક, ટ્રસ્ટી અને અન્ય હોસ્પિટલ સાથે સંલગ્ન હશે તો તે હોસ્પિટલની પણ PMJAY માન્યતાની ચકાસણી કરી તેમના વિરુદ્ધ પગલાં લેવામાં આવશે

હોસ્પિટલના માલિક અને એમ્પેન્લમેન્ટ ડૉક્ટર વિરૂધ્ધ ભારતીય ન્યાય સહિતા(BNS) ની કલમ ૧૦૦, ૧૦૫, ૩૩૬ અને ૬૧ સહિતની અન્ય કલમો અન્વયેની સરકાર તરફથી પોલિસ ફરિયાદ કરવામાં આવશે. આ ઘટના સાથે સંકળાયેલા ડૉક્ટર વિરૂધ્ધ જરૂરી પગલાં લેવા માટે Gujarat Medical Councilને સુચના આપવામાં આવશે. વઘુમાં હોસ્પિટલમાં અગાઉ થયેલ Cardiologyના કેસોની પણ ચકાસણી કરાશે.

તેમણે વધુમાં ઉમેર્યુ કે, મંત્રીશ્રીની સૂચનાને પગલે પી.એમ.જે.એ.વાય.-મા યોજના અંતર્ગતની મુખ્ય પાંચ ઇમરજન્સી સર્જરીના વ્યવસ્થાગત મજબૂતીકરણ માટેની SOP(Standred Operating Procedure) તૈયાર કરવાનું પણ નક્કી કરવામાં આવ્યું છે.

જે મુજબ પ્રાથમિક તબક્કે કાર્ડિયોવાસ્યુકર સર્જરી સંદર્ભે PMJAY એમ્પેલન્ડ હોસ્પિટલમાં Cardiology અને Cardiovascular Surgery Speciality બન્ને હોય તો જ Cardiology Package માટે માન્યતા (સિવાય કે Heart Attackના કિસ્સામાં Primary Angioplasty કરવાની જરૂર હોય) આપવામાં આવશે.

Cardiology Speciality અંતર્ગત ડૉકટરે કામગીરી કરવા માટે ફુલ ટાઈમ Cardiologist જરૂરી છે વધુમાં ડોક્ટર Post DM/MCH ૨ વર્ષનો અનુભવ ફરજીયાત રહેશે.

Cardiology પેકેજ માટે કેથલેબ ઉપરાંત Cardiac OT ફરજીયાત રહેશે.

Visiting Cardiologist  અથવા Cardiovascular Surgeonને PMJAY અંતર્ગત માન્યતા મળશે નહીં.

આ ઉપરાંત Clinical Establishment Act અન્વયે ચોક્કસ Procedure માટે ‘Informed Consent’ અંગેની ચોક્કસ જોગવાઈઓ દાખલ કરવામાં આવશે.

PMJAYના High Package વોલ્યુમના દાવાઓના મોનેટરીંગ માટે વધારાના સુપર સ્પેશ્યાલિસ્ટની સેવા લેવામાં આવશે.

આ SOP સંદર્ભેની માહિતી ટુંક સમયમાં આરોગ્ય વિભાગ દ્વારા પ્રસારિત કરવામાં આવશે.વધુમાં અન્ય ઇમરજન્સી પ્રોસિજરને લગતી SOP પણ બનાવીને રજૂ કરાશે.

શ્રી દ્વિવેદીએ પ્રધાનમંત્રી જન આરોગ્ય મા – યોજના હેઠળની SAFU(સ્ટેટ એન્ટી ફ્રોડ યુનિટ) દ્વારા કરવામાં આવેલ કામગીરી સંદર્ભે જણાવ્યું હતું કે, એક વર્ષમાં ૯૫ હોસ્પિટલની મુલાકાત કરવામાં આવી. જેમાંથી પાંચ હોસ્પિટલને સસ્પેન્ડ પણ કરાઇ. તેમજ રૂ.૨૦કરોડથી વધુની રકમની પેનલ્ટી પણ કરવામાં આવી છે. ૧૦૨૪ લાભાર્થીઓની રૂ. ૪૪ લાખ જેટલી રકમ પાછી આપવામાં આવી હોવાનું તેમણે ઉમેર્યુ હતુ. raman

કોની સામે ફરિયાદ નોંધાઇ

1. ડો. પ્રશાંત વજીરાણી (ઓપરેશન કરનાર)
2. ડો. કાર્તિક પટેલ (ડાયરેક્ટર)
3. ડો. સંજય પટોલિયા (ડાયરેક્ટર)
4. રાજશ્રી કોઠારી
5. ચિરાગ રાજપૂત (CEO ખ્યાતિ હોસ્પિટલ)

તપાસ સમિતિના સભ્યો

•     ડો. યુ.બી.ગાંધી (ડે. ડાયરેક્ટર PMJAY)
•     ડો. ગજેન્દ્ર દુબે (કાર્ડિયોલોજીસ્ટ)
•     ડો. પ્રકાશ મહેતા (ઇન્ચાર્જ CDMO, સોલા સિવિલ)
•     ડો. ઇલાબેન પ્રજાપતિ (એનેસ્થેટીસ્ટ, સોલા સિવિલ)
•     ડો. હર્ષા જીવરાજની (મેડિસિન,  સોલા સિવિલ)
•     ડો. શૈલેષ આનંદ (PMJAY)
•     ડો. કે.બી. પરમાર (વહીવટી અધિકારી, સોલા સિવિલ)

deep singh