રણબીરની ફિલ્મ ‘રામાયણ’માંથી કુબ્રા સૈતેની બાદબાકી કરાઈ

મુંબઈ, ફિલ્મ ‘એનિમલ’ ની સફળતા પછી, રણબીર કપૂર તેની આગામી બહુપ્રતિક્ષિત ફિલ્મ ‘રામાયણ’ માટે હેડલાઇન્સમાં છે. તાજેતરમાં જ એક બોલિવૂડ અભિનેત્રીએ આ ફિલ્મ વિશે મોટો ખુલાસો કર્યાે અને કહ્યું કે તેણે આ ફિલ્મ માટે ઓડિશન આપ્યું હતું,

રણબીર કપૂર લાંબા સમયથી તેની મોસ્ટ અવેટેડ ફિલ્મ ‘રામાયણ’ માટે હેડલાઇન્સમાં છે, જેનું શૂટિંગ પણ ચાલી રહ્યું છે. સમય જતાં, આ ફિલ્મ સાથે સંબંધિત કેટલીક નવી માહિતી બહાર આવતી રહે છે. આ ફિલ્મમાં ઘણા કલાકારો મોટા પડદા પર સાથે જોવા મળશે.

થોડા દિવસો પહેલા સમાચાર આવ્યા હતા કે ‘સેક્રેડ ગેમ્સ’માં કુકુનું પાત્ર ભજવનાર ૪૨ વર્ષીય અભિનેત્રી કુબ્રા સૈતે ફિલ્મમાં શૂર્પણખાના પાત્ર માટે ઓડિશન આપ્યું છે.

હવે કુબ્રા સૈતે પોતે આ વાતની પુષ્ટિ કરી છે. તેણે કહ્યું કે ઓડિશન આપવા છતાં, તેને આ ભૂમિકા માટે પસંદ કરવામાં આવ્યો ન હતો. કુબ્રા કહે છે કે તે આ ભૂમિકા માટે યોગ્ય હતી, પરંતુ તેમ છતાં નિર્માતાઓએ બીજા કોઈને કાસ્ટ કર્યાે. બોલિવૂડ બબલને આપેલા ઇન્ટરવ્યુમાં, કુબ્રાએ આ અંગે રમુજી રીતે પ્રતિક્રિયા આપી અને કહ્યું, ‘મારા નાકને કારણે, હું શૂર્પણખાની ભૂમિકા માટે યોગ્ય હતી.’

હું આ ભૂમિકામાં સંપૂર્ણ રીતે ફિટ થઈ શકી હોત , પણ મને કાસ્ટ કરવામાં આવી નહીં.કુબ્રાએ એમ પણ કહ્યું કે હવે તે જાણવા માટે ઉત્સુક છે કે આ ભૂમિકા કોને મળી છે. તેમના રમુજી જવાબ પર ચાહકો પણ ઘણી પ્રતિક્રિયા આપી રહ્યા છે. આ ફિલ્મમાં ઘણા મોટા કલાકારો જોવા મળશે.

ઈન્દિરા કૃષ્ણને એક યુટ્યુબ ઇન્ટરવ્યુમાં કહ્યું હતું કે તે માતા કૌશલ્યાનું પાત્ર ભજવી રહી છે. રણબીર કપૂર ભગવાન રામની ભૂમિકામાં જોવા મળશે, જ્યારે સાઈ પલ્લવી માતા સીતાની ભૂમિકા ભજવશે. કન્નડ સુપરસ્ટાર યશ રાવણની ભૂમિકા ભજવશે. આ સિવાય રવિ દુબે લક્ષ્મણનું પાત્ર ભજવી શકે છે.SS1MS