અમદાવાદના મેટ્રો સ્ટેશન પર પાર્કિંગની સુવિધાનો અભાવ

અમદાવાદ, ૨ ઓક્ટોબરથી સમગ્ર શહેરમાં આખરે મેટ્રો ટ્રેન દોડતી થઈ ગઈ છે. પહેલા જ દિવસે તેને જબરદસ્ત પ્રતિસાદ મળ્યો હતો અને ૪૧,૭૦૦ જેટલી ટિકિટ વેચાઈ હતી. મેટ્રો ટ્રેન ભલે શહેરના એક છેડેથી બીજા છેડે સાવ ઓછા સમયમાં પહોંચાડી દેતી હોય પરંતુ પાર્કિંગ વ્યવસ્થાના અભાવના કારણે તે નિયમિત ધોરણે લોકોને તેનો ઉપયોગ કરવાથી અટકાવી શકે છે.

બસ સ્ટેશન પાસેથી પાર્કિંગની સુવિધા ન હોવાથી મ્ઇ્‌જીમાં મુસાફરી કરતાં લોકોને પહેલાથી જ અગવડનો સામનો કરવો પડી રહ્યો છે. સ્ટેડિયમ ચાર રસ્તા, કોમર્સ સિક્સ રોડ, ગુરુકુળ, દૂરદર્શન અને થલતેજના મેટ્રો સ્ટેશનમાં ટુ-વ્હીલર કે કાર માટે પાર્કિંગની વ્યવસ્થા નથી. કાલુપુર મેટ્રો રેલ સ્ટેશન એક માત્ર એવું સ્ટેશન છે જ્યાં ટુ-વ્હીલરનું પાર્કિંગ છે.

મેટ્રો રેલના મેનેજિંગ ડિરેક્ટર એસ.એસ. રાઠોડે જણાવ્યું હતું કે મેટ્રોનો હેતુ રસ્તાઓ પરથી પસાર થતાં વાહનોને ઘટાડવાનો છે. જાે મુસાફરો તેમના વાહનો લઈને સ્ટેશન પર આવશે તો તે જ સ્થિતિ રહેશે. વૈશ્વિક સ્તરે, મેટ્રો રેલનો કોન્સેપ્ટ ટ્રાફિકને હળવો કરવાનો છે.

અમારી પાસે દર ૧થી ૧.૨ કિમીના અંતરે મેટ્રો સ્ટેશન છે અને અમારો કેચમેન્ટ વિસ્તાર મેટ્રો સ્ટેશનથી ૬૦૦ મીટર દૂર છે. આ સિવાય બે પોઈન્ટ એવા છે જ્યાં રૂપ મ્ઇ્‌જી સાથે એકરૂપ થાય છે અને તેનો ઉપયોગ કનેક્ટિવિટી માટે થઈ શકે છે.

સ્ટેશન પર ફક્ત સાત મુસાફરો હતા, જેમાંથી મોટાભાગના વિદ્યાર્થીઓ હતા. બહાર રસ્તાની બાજુએ પાર્ક કરેલી કાર સ્થાનિક ડાયગ્નોસ્ટિક સેન્ટર અથવા અન્ય વ્યવસાયોના મુલાકાતીઓની હતી. સ્ટેશન મેનેજર પાઠકે જણાવ્યું હતું કે, ‘હાલમાં પાર્કિંગની જગ્યા નથી.

તે પછીની તારીખે બનાવવામાં આવી શકે છે’. આ સિવાય થલતેજમાં પણ આ જ સ્થિતિ હોવાથી કેટલાક મુસાફરોએ સીડી પાસે રોડ પર વાહનો પાર્ક કર્યા હતા. ગુરુકુળ મેટ્રો સ્ટેશન પાસે નીચેની જગ્યા ટુ-વ્હીલર અને કારથી ભરાઈ ગઈ હતી.

ઉસ્માનપુરામાં રહેતા અને વ્યવસાયે એન્જિનિયરે કહ્યું હતું કે, હું ઉસ્માનપુરાથી રિક્ષામાં આવ્યો હતો કારણ કે, હું મેટ્રોની સવારીનો અનુભવ કરવા ઉત્સુક હતો. પાર્કિંગની જગ્યાની ગેરહાજરીમાં, મેટ્રોના સત્તાધીશો માટે નિયમિત ધોરણે મોટી સંખ્યામાં મુસાફરો લાવવા મુશ્કેલ બનશે. એક વેપારીએ કહ્યું હતું કે હું ઓઢવમાં રહું છું અને નિરાંત પાર્ક સ્ટેશનથી મેં મેટ્રો પકડી હતી. નિરાંત પાર્ક અથવા ગુજરાત યુનિવર્સિટી પર પાર્કિંગની જગ્યા જ નથી.SS1MS