હાઈસ્કોરિંગ મેચમાં લખનૌએ મુંબઈના મુખમાંથી જીત છીનવી

લખનૌ, હાર્દિક પંડ્યાની ટી૨૦ ક્રિકેટમાં સૌપ્રથમ વખત પાંચ વિકેટની સિદ્ધી છતાં મુંબઈ ઈન્ડિયન્સનો હાઈસ્કોરિંગ મેચમાં લખનૌ સુપર જાયન્ટ્‌સ સામે ૧૨ રને પરાજય થયો હતો. લખનૌએ મિચેલ માર્શ તથા એઇડન માર્કરની ફિફ્ટીની મદદથી નિર્ધારિત ઓવરમાં આઠ વિકેટે ૨૦૩ રનનો વિશાળ સ્કોર રજૂ કર્યાે હતો.

જવાબમાં મુંબઈ ઈન્ડિયન્સ પાંચ વિકેટે ૧૯૧ રન સુધી જ સિમિત રહ્યું હતું. સુર્યકુમાર યાદવે ૬૭ રન તથા નમન ધીરે ૪૬ રન કરી લડત આપી હતી પરંતુ ટીમને જીતાડી શક્યા નહતા. મુંબઈને જીત માટે છેલ્લી બે ઓવરમાં ૨૯ રનની જરૂર હતી.

લખનૌના બોલર શાર્દુલ ઠાકુરે ૧૯મી ઓવરમાં ફક્ત સાત રન અને એક વિકેટ લીધી હતી. આવેશ ખાને છેલ્લી ઓવરમાં નવ રન આપીને મુંબઈના મુખમાંથી જીતનો કોળિયો છીનવી લીધો હતો. મુંબઈ ઈન્ડિયન્સે ટોસ જીતીને પ્રથમ ફિલ્ડિંગ લીધી હતી.

લખનૌના ઓપનર મિચેલ માર્શે ૩૧ બોલમાં નવ ચોગ્ગા અને બે છગ્ગા સાથે ૬૦ રન ફટકાર્યા હતા જ્યારે એઈડન માર્કરમે ૩૮ બોલમાં બે ચોગ્ગા અને ચાર સિક્સર સાથે ૫૩ રન કરતા મજબૂત શરૂઆત અપાવી હતી. માર્શની પ્રથમ વિકેટ બાદ નિકોલસ પુરન (૧૨) અને પંત (૨)ને હાર્દિક પંડ્યાએ આઉટ કરીને લખનૌ પર અંકુશ લાવવા પ્રયાસ કર્યાે હતો. આયુષ બદૌનીએ ઉપયોગી ૩૦ રનની ઈનિંગ્સ રમી હતી.

મિલરે ૨૭ રનનું યોગદાન આપ્યું હતું અને ટીમને ૨૦૦ના સ્કોરને પાર લઈ ગયા હતા. હાર્દિક પંડ્યાએ ડેથ ઓવર્સમાં માર્કરમ અને ત્યારબાદ છેલ્લી ઓવરમાં બે બોલમાં મિલર અને આકાશ (૦૦)ની બે વિકેટ ઝડપીને પાંચ વિકેટની સિદ્ધી મેળવી હતી.

હાર્દિકે મુંબઈના કેપ્ટન તરીકે ૩૬ રન આપીને પાંચ વિકેટ લીધી હતી જે આઈપીએલમાં કોઈપણ સુકાનીનો શ્રેષ્ઠ દેખાવ છે. વિગ્નેશ, અશ્વિની અને બોલ્ટે એક-એક વિકેટ મેળવી હતી.

મુંબઈનો નિયમિત ઓપનર રોહિત શર્મા નેટ્‌સમાં પગમાં બોલ વાગતા ઈજાગ્રસ્ત થયો હતો અને લખનૌ સામેની મેચમાં રમ્યો નહતો. તેના સ્થાને વિલ જેક્સને તક અપાઈ હતી પરંતુ તે પાંચ રન કરી આઉટ થયો હતો. રિકલટન (૧૦) પણ ઝડપથી પેવેલિયન પરત ફર્યાે હતો.

યુવા બેટ્‌સમેન નમન ધીર (૪૬) અને સુર્યકુમાર યાદવ (૬૭)એ ત્રીજી વિકેટ માટે ૬૯ રનન ભાગીદારી કરી હતી. તિલક વર્માએ તેના મિજાજથી વિપરીત ધીમી બેટિંગ કરતા ૨૩ બોલમાં ૨૫ રન કર્યા હતા અને તેને ૧૯મી ઓવરમાં રિટાયર્ડ આઉટ થવાની ફરજ પડાઈ હતી.

હાર્દેક ૧૬ બોલમાં બે ચોગ્ગા અને એક છગ્ગા સાથ ૨૮ રન કરીને અણનમ રહ્યો હતો જ્યારે સેંટનર બે રન પર નોટ આઉટ હતો પરંતુ તે મુંબઈને વિજય અપાવી શક્યા નહતા. લખનૌ તરફથી શાર્દુલ, આકાશ, આવેશ અને દિગ્વેશે એક-એક સફળતા મેળવી હતી.SS1MS