માધુપુરા પોલીસ સ્ટેશનનો રાઇટર રૂપિયા ૩૫ હજારની લાંચ લેતા ઝડપાયો

મણિપુર, શહેરમાં રહેતા યુવકને તેની સાસરી પક્ષ સાથે થોડા દિવસો અગાઉ મારામારી થઇ હતી. બંને પક્ષે માધુપુરા પોલીસ સ્ટેશનમાં સામસામે અરજી કરી હતી.

આ મામલાની તપાસ ઇદગાહ ચોકીમાં સોંપવામાં આવી હતી. આ અરજીના તપાસમાં યુવક અને તેના માતા-પિતાને લોકઅપમાં ન રાખવા અને જામીન આપી દેવા તથા પાસપોર્ટ જમા ન કરવા માટે ઇદગાહ ચોકીમાં રાઇટર તરીકે ફરજ બજાવતા જગદીશ વાળાએ યુવકને ફોન કરીને ૩૫ હજારની લાંચની માગી હતી. યુવકે સમગ્ર વાતચીતનું ફોનમાં રેકો‹ડગ કરી એસીબીમાં ફરિયાદ નોંધાવી હતી.

એસીબીએ છટકું ગોઠવીને પોલીસકર્મી જગદીશ વાળાની લાંચની રકમ સ્વીકારતા રંગેહાથ ઝડપી લીધા છે.રાયોટિંગ, મારામારી, પ્રોહિબિશન જેવા ગુના માટે પંકાયેલા માધુપુરા પોલીસ સ્ટેશનનો કર્મચારી લાંચની રકમ સ્વીકારતા એસીબીના છટકા આવી ગયો છે.

થોડાક દિવસો અગાઉ માધવપુરામાં રહેતા યુવકને તેની સાસરી પક્ષ વચ્ચે મારામારી થઇ હતી. બંને પક્ષે આક્ષેપ કરતી અરજીઓ કરવામાં આવી હતી. અરજીની તપાસ ઇદગાહ પોલીસ ચોકીના રાઇટર જગદીશ વાળાને સોંપાઇ હતી.

રાઇટર જગદીશ વાળાએ યુવક અને તેના માતા-પિતાની ધરપકડ કરવામાં આવશે અને પાસપોર્ટ પણ જમા લેવામાં આવશે તેવો દમ માર્યાે હતો. ગભરાઈ ગયેલા યુવકે માતા-પિતાને પણ જેલમાં જવું પડશે તેવી ચિંતા વ્યક્ત કરતા લાંચિયા પોલીસકર્મીએ આ મામલે કશું જ ન કરવાના બદલામાં ૩૫ હજાર લાંચ પેટે માગ્યા હતા.

ચબરાક યુવકે પોલીસકર્મી સાથેની વાતચીતનું ફોન રેકો‹ડગ કરી લીધું અને એસીબીમાં ફરિયાદ નોંધાવી હતી. બાદ એસીબીએ યુવકને પાઉડર કોટિંગ ચલણી નોટો આપીને પોલીસકર્મીને લાંચની રકમ આપવા માટે બોલાવ્યો હતો. આ સમયે એસીબીની ટીમે લાંચિયા પોલીસકર્મી જગદીશ દેવશીભાઈ વાળાની લાંચની રકમ સ્વીકારતા રંગે હાથ દબોચી લીધો હતો.SS1MS