મધુર ભંડારકર-તબુની ‘ચાંદની બાર’ ફિલ્મની સિક્વલ બનશે

મુંબઈ, મધુર ભંડારકરે ૨૦૦૧માં તબ્બુ સાથે ‘ચાંદની બાર’નામની ફિલ્મ બનાવી હતી, જેમાં બાર ડાન્સરના જીવનની વાત કરવામાં આવી હતી.

તબુનો લીડ રોલ ધરાવતી આ ફિલ્મને નેશનલ એવોર્ડ પણ મળ્યો હતો. હવે આ ફિલ્મની સિક્વલ બની રહી છે. હવે ફિલ્મમેકર સુદિપ્તો સેન દ્વારા આ ફિલ્મના અધિકારો મેળવી લેવાયા છે. ‘ધ કેરાલા સ્ટોરી’ જેવી ફિલ્મ માટે જાણીતા આ ડિરેક્ટર ફિલ્મની સિક્વલ માટે ઘણાં ઉત્સુક છે, તેઓ ટૂંક સમયમાં આ ફિલ્મની સિક્વલની જાહેરાત થઈ શકે છે.

એક ઇન્ટરવ્યૂમાં સુદિપ્તો સેને જાહેર કર્યું હતું કે આ ફિલ્મ અંગે ચર્ચાઓ ચાલુ છે. તે ફિલ્મના કો પ્રોડ્યુસર આર.મોહન સાથે ચર્ચા વિચારણા કરી રહ્યા છે. કેટલીક કાયદેસરની કાર્યવાહી કરવાની હજુ બાકી છે એટલે તેઓ થોડાં દિવસો પછી જ આ અંગે કોઈ માહિતી આપી શકશે.

સુદિપ્તોને ‘ચાંદની બાર ૨’ બનાવવામાં રસ છે, સાથે અહેવાલો દ્વારા એવી પણ માહિતી મળે છે કે આ ડીલ લગભગ ૧.૭૫ કરોડમાં થઈ છે.પહેલાં એવી પણ ચર્ચા હતી કે ‘ચાંદની બાર’માં ડાયલોગ અને સ્ક્રીનપ્લે લખનાર મોહન આઝાદ આ ફિલ્મની સિક્વલ બનાવશે. પરંતુ હવે તેમાં સુદિપ્તો સેન પણ જોડાયા છે.

ત્યારે મહત્વનો પ્રશ્ન એ છે કે તેઓ પોતે આ ફિલ્મ ડિરેક્ટ કરશે કે મધુર ભંડારકર જ પોતાની ફિલ્મની સિક્વલ ડિરેક્ટ કરશે, ખાસ તો તબ્બુ આ ફિલ્મમાં ફરી કામ કરશે કે નહીં તે અંગે પણ ઘણાં ફિલ્મ રસિકોમાં ઉત્સુકતા છે.મધુર ભંડારકરની ‘ચાંદનીબાર’માં મુંબઈની કડવી વાસ્તવિકતા દર્શાવાઈ હતી, જેમાં પ્રોસ્ટિટ્યુશન, ડાન્સ બાર અને ગેંગવારની વાત હતી.

આ ફિલ્મમાં તબુ મુખ્ય રોલમાં હતી, તેની સાથે અતુલ કુલકર્ણી, અનન્યા ખરે, રાજપાલ યાદવ, મિનાક્ષી સહાની, વિશાલ ઠક્કર પણ મહત્વના રોલમાં હતાં. આ ફિલ્મ બોક્સ ઓફિસ પર પણ સફળ રહી હતી. આ ફિલ્મને ચાર નેશનલ એવોર્ડ પણ મળ્યા હતા. ‘ચાંદનીબાર’ ૧.૫ કરોડમાં બની હતી અને ૬.૬ કરોડ કમાઈ હતી.SS1MS