આ કારણસર તિરાડ પડી હતી માધુરી દિક્ષીત અને ક્રિકેટર અજય જાડેજા વચ્ચે

ક્રિકેટરનો પરિવાર ફિલ્મોમાં કામ કરતી એક સામાન્ય છોકરીને તેમના શાહી પરિવારમાં સ્વીકારવા માંગતો ન હતો, જેના કારણે તેમના સંબંધોમાં તિરાડ પડી.-માધુરી અને ક્રિકેટર અજય જાડેજા ફોટોશૂટ દરમિયાન મળ્યા હતા

મુંબઈ, બોલિવૂડની ‘ધક ધક ગર્લ’ માધુરી દીક્ષિતનો આજે પણ દર્શકોમાં ભારે ક્રેઝ છે. માધુરી દીક્ષિત ૮૦-૯૦ના દસકામાં બોલિવૂડની ટોચની અભિનેત્રીઓમાંની એક હતી. પોતાના અભિનયની સાથે સાથે તેણે પોતાના ડાન્સથી દર્શકોના દિલમાં ખાસ જગ્યા બનાવી હતી.

આજે પણ બોલિવૂડમાં દરેક જગ્યાએ માધુરી દીક્ષિતના ડાન્સની ચર્ચા છે. ૯૦ના દાયકામાં, અભિનેત્રીની ફિલ્મોમાં ખ્યાતિ ચરમસીમા પર હતી. તેણીને નામ અને ખ્યાતિની કોઈ કમી નહોતી. તે દિવસોમાં માધુરી દીક્ષિતનું નામ તેના અનેક કો-સ્ટાર્સ સાથે જોડતું રહ્યું.

ફિલ્મ ઈન્ડસ્ટ્રીમાં તેના ચાહકોની કોઈ કમી નહોતી પરંતુ ‘ધક ધક ગર્લ’નું દિલ એક ક્રિકેટર માટે ધડકતું હતું. માધુરી દીક્ષિત એક ફોટોશૂટ દરમિયાન પ્રખ્યાત ક્રિકેટરને મળી હતી અને તે પ્રથમ નજરમાં જ ક્રિકેટ ઓલરાઉન્ડરના પ્રેમમાં પડી ગઈ હતી. માધુરી દીક્ષિત અને પૂર્વ ભારતીય ક્રિકેટર અજય જાડેજા એક ફોટોશૂટ દરમિયાન મળ્યા હતા.

બંને પહેલી નજરમાં જ એકબીજાના પ્રેમમાં પડી ગયા હતા અને તેમની પહેલી મુલાકાતમાં જ તેમની વચ્ચે અદભૂત કેમેસ્ટ્રી જોવા મળી હતી. તે દિવસોમાં માધુરી અને અજયના રોમેન્ટિક ફોટા પણ હેડલાઈન્સમાં રહેતા હતા.

તે સમયના મીડિયા રિપોર્ટ્‌સમાં એવું પણ કહેવામાં આવ્યું હતું કે, અજય જાડેજા ફિલ્મોમાં પોતાનું નસીબ અજમાવવા માંગતો હતો અને માધુરી તેને જાણીતા નિર્માતાઓ અને દિગ્દર્શકોને તેની ભલામણ કરતી હતી, પરંતુ અભિનેત્રીની ભલામણ છતાં અજય જાડેજાની ફિલ્મ કારકિર્દી આગળ વધી શકી નહીં. તે દિવસોમાં માધુરી દીક્ષિત અને અજય જાડેજાનો પ્રેમ ખીલ્યો હતો, પરંતુ તેમનો પ્રેમ પૂર્ણ થઈ શક્યો ન હતો.

ક્યારેક પરિવાર તો ક્યારેક સંજોગો તેમની લવસ્ટોરીમાં વિલન બન્યા. અજય જાડેજાને ભારતીય ક્રિકેટ ટીમનો રાજકુમાર કહેવામાં આવે છે, જ્યારે માધુરી ખૂબ જ સામાન્ય પરિવારની હતી. ક્રિકેટરનો પરિવાર ફિલ્મોમાં કામ કરતી એક સામાન્ય છોકરીને તેમના શાહી પરિવારમાં સ્વીકારવા માંગતો ન હતો, જેના કારણે તેમના સંબંધોમાં તિરાડ પડી.

આ બધાની વચ્ચે મેચ ફિક્સિંગ કેસમાં અજય જાડેજાનું નામ આવતાની સાથે જ બંને એકબીજાથી દૂર થયા હતા. મેચ ફિક્સિંગ કેસમાં ફસાઈ ગયા બાદ અભિનેત્રીનો પરિવાર પણ આ સંબંધની વિરુદ્ધ થઈ ગયો હતો અને આખરે બંને અલગ થઈ ગયા હતા.

અજય જાડેજા સાથેના બ્રેકઅપ પછી, માધુરી દીક્ષિત તેના જીવનમાં આગળ વધી અને ડો. શ્રીરામ નેને સાથે લગ્ન કર્યા. આ કપલે ૧૯૯૯માં લગ્ન કર્યા હતા, ત્યારબાદ માધુરી દીક્ષિતની ફિલ્મોમાં થોડી ઓછી દેખાતી હતી. તે તેના પતિ અને બાળકો સાથે વિદેશમાં સ્થાયી થઈ ગઈ હતી. બાળકો મોટા થયા બાદ અભિનેત્રીએ ફરી એકવાર ઈન્ડસ્ટ્રીમાં જોરદાર કમબેક કર્યું.SS1MS