ઓક્સફર્ડ યુનિવર્સિટીમાં મમતા બેનર્જીના ભાષણ દરમિયાન હોબાળો

ભીડે બંગાળના મુખ્યમંત્રીને અટકાવીને તીખા પ્રશ્નો પૂછ્યા

(એજન્સી) નવી દિલ્હી, ઓક્સફર્ડ યુનિવર્સિટીના કેલોગ કોલેજમાં પશ્ચિમ બંગાળના મુખ્યમંત્રી મમતા બેનર્જીના ભાષણ દરમિયાન ભારે હોબાળો થયો હતો. સ્ટુડન્ટ્‌સ ફેડરેશન ઓફ ઈન્ડિયા ના વિદ્યાર્થી નેતાઓએ ‘પાછા જાઓ’ ના નારા લગાવ્યા અને આર.જી. ખાતે વિરોધ પ્રદર્શન કર્યું હતું, અને આરજી કરમેડિકલ કોલેજને લગતા મુદ્દાઓ પર પ્રશ્નો પૂછ્યા હતા. Smt. @MamataOfficial explored the historic Oxford University campus.

વિદ્યાર્થીઓ દ્વારા ઉઠાવવામાં આવેલા પ્રશ્નોના જવાબમાં મમતા બેનર્જીએ કહ્યું, ‘આ મામલો કોર્ટમાં છે, આ મામલો કેન્દ્ર સરકાર પાસે છે.’ અહીં રાજકારણ ન કરો, આ પ્લેટફોર્મ રાજકારણ માટે નથી. તમે જુઠ્ઠું બોલી રહ્યા છો, આને રાજકીય પ્લેટફોર્મ ન બનાવો.

તમે બંગાળ જાઓ અને તમારા પક્ષને વધુ મજબૂત બનાવો.આ દરમિયાન, મમતા બેનર્જીએ ભીડને એક ફોટો બતાવ્યો અને કહ્યું કે તમે મારી આ તસવીર જુઓ, મને કેવી રીતે મારવાનો પ્રયાસ કરવામાં આવ્યો.

વધુમાં, જ્યારે મમતા બેનર્જીએ દાવો કર્યાે કે બંગાળને લાખો કરોડ રૂપિયાના રોકાણ પ્રસ્તાવો મળ્યા છે, ત્યારે એક દર્શકે તેમને ચોક્કસ રોકાણોના નામ આપવા કહ્યું હતું. જે પ્રશ્ન પર, મમતાએ જવાબ આપ્યો, “ઘણા બધા છે…” તેમણે વધુ વિગતવાર વાત કરે તે પહેલાં, અન્ય લોકોએ તે શખ્સને ચૂપ રહેવા કહ્યું, અને દલીલ કરી કે આ કોઈ પ્રેસ કોન્ફરન્સ નથી.

મમતા બેનર્જીએ કહ્યું કે તેમને પોતાનો દ્રષ્ટિકોણ રજૂ કરવાની તક આપવી જોઈએ. તેણે કહ્યું, ‘મને બોલવા દો.’ તમે મારું નહીં, પણ તમારી સંસ્થાનું અપમાન કરી રહ્યા છો. હું જ્યાં પણ જાઉં છું ત્યાં આ લોકો આવું જ કરે છે. હું દરેક ધર્મનું સમર્થન કરું છું. હું હિન્દુ, મુસ્લિમ, શીખ, ખ્રિસ્તી બધાનો આદર કરું છું. ફક્ત એક જ જાતિનું નામ ન લો, બધી જ જાતિના નામ આપો. તમે લોકો જે કરી રહ્યા છો તે યોગ્ય નથી.

મારા અલ્ટ્રા ડાબેરી અને સાંપ્રદાયિક મિત્રો અહિંયા રાજકારણ ન કરો.જ્યારે કેટલાક દર્શકોએ ગો અવે’ના નારા લગાવ્યા, ત્યારે મમતા બેનર્જીએ આત્મવિશ્વાસથી કહ્યું, ‘દીદીને કોઈ પરવા નથી.’ દીદી વર્ષમાં બે વાર આવશે અને રોયલ બંગાળ ટાઇગરની જેમ લડશે. આ ઉપરાંત, તેમણે કહ્યું, ‘જો તમે કહો છો, તો હું તમારા કપડાં ધોઈશ અને તમારા માટે ભોજન બનાવીશ.’ પણ જો કોઈ મને નમવાનો પ્રયાસ કરશે અથવા દબાણ કરશે, તો હું નમશે નહીં.

હું ફક્ત જનતા સમક્ષ મારું માથું નમાવીશ. સ્ટુડન્ટ્‌સ ફેડરેશન ઓફ ઈન્ડિયા – યુકે એ આ વિરોધ પ્રદર્શનની જવાબદારી લીધી છે. સંગઠને તેના ફેસબુક પેજ પર એક પોસ્ટમાં લખ્યું, ‘અમે મમતા બેનર્જી અને ટીએમસીના ભ્રષ્ટ, અલોકતાંત્રિક શાસન સામે પશ્ચિમ બંગાળના વિદ્યાર્થીઓ અને મજૂર વર્ગના સમર્થનમાં અમારો અવાજ ઉઠાવી રહ્યા છીએ.’