મૌની અમાવાસ્યા સ્નાને મહાકુંભના ઇતિહાસના બધા રેકોર્ડ તોડ્યા

પ્રયાગરાજ, મહાકુંભમાં મૌની અમાવસ્યા પર સંગમ સ્નાને અગાઉના તમામ રેકોર્ડ તોડી નાખ્યા છે. ગઈકાલ રાતની નાસભાગ પછી પરિસ્થિતિ નિયંત્રણમાં છે. માહિતી અનુસાર, મૌની અમાવસ્યાના દિવસે રાતે ૮ વાગ્યા સુધી ૭.૬૪ કરોડ ભક્તોએ સંગમમાં ડૂબકી લગાવી હતી.

એવો અંદાજ છે કે મૌની અમાવસ્યા પર ૮ થી ૧૦ કરોડ લોકો સંગમમાં સ્નાન કરશે.મહાકુંભમાં મૌની અમાવસ્યાના અવસર પર રાતે ૮ વાગ્યા સુધીમાં સ્નાન કરનારાઓની કુલ સંખ્યા ૭.૬૪ કરોડ સુધી પહોંચી ગઈ છે. જો છેલ્લા ૧૬ દિવસના ૨૦ કરોડનો આંકડો આમાં ઉમેરવામાં આવે તો આ ડેટા ૨૬ કરોડ સુધી પહોંચી ગયો છે.

કુંભ મેળામાં ભાગદોડ છતાં, મૌની અમાવાસ્યાના દિવસે રાતે ૮ વાગ્યા સુધી સાત કરોડ લોકોના સ્નાને અત્યાર સુધીના તમામ રેકોર્ડ તોડી નાખ્યા છે. કુંભ મેળાના ઇતિહાસમાં કોઈ એક દિવસે સ્નાન કરનારા ભક્તોની આ સૌથી મોટી સંખ્યા છે. અગાઉ મકરસંક્રાંતિ પર ૩.૫ કરોડ લોકોએ સંગમમાં સ્નાન કર્યું હતું અને મૌની અમાવસ્યાના એક દિવસ પહેલા ૨૮ જાન્યુઆરીએ ૫ કરોડ લોકોએ સ્નાન કર્યું હતું.

મૌની અમાવસ્યા પર મહાકુંભમાં સંગમમાં સ્નાન કરવાનો રેકોર્ડ પણ તૂટી ગયો છે. મંગળવારે રાત્રે મૌની અમાવસ્યાના સ્નાન પહેલા મહાકુંભમાં થયેલી ભાગદોડની ઘટના બાદ, પરિસ્થિતિ હવે નિયંત્રણમાં છે અને વહીવટીતંત્રે પહેલા કરતા વધુ કડકાઈ વધારી દીધી છે.

મહા કુંભ મેળા વહીવટીતંત્ર પાસેથી મળેલા આંકડા મુજબ મૌની અમાવસ્યાના રોજ રાતે ૮ વાગ્યા સુધીમાં ૭.૬૪ કરોડ ભક્તોએ સંગમમાં પવિત્ર ડૂબકી લગાવી હતી. મંગળવારે ૧૬મા દિવસ સુધી કુલ ૧૯.૯૪ કરોડ લોકોએ મહાકુંભ ૨૦૨૫ માં પવિત્ર સ્નાન કર્યું હતું.SS1MS