રાજકોટ એઇમ્સની MBBSની છાત્રાનો ફાંસો ખાઇને આપઘાતનો પ્રયાસ

રાજકોટ, રાજકોટ એઇમ્સ હોસ્પિટલની મેડિકલ કોલેજમાં એમબીબીએસમાં અભ્યાસ કરતી વિદ્યાર્થિનીએ આપઘાતનો પ્રયાસ કર્યાની ઘટના સામે આવી છે. મૂળ છત્તીસગઢની રહેવાસી આ છાત્રાએ રવિવારે બપોરે પોતાની પીજી હોસ્ટેલમાં ગળાફાંસો ખાધો હતો.

તબીબી છાત્રોને જાણ થતા તેને સિવિલ હોસ્પિટલમાં ઇમરજન્સી વોર્ડમાં દાખલ કરવામાં આવી હતી. સુત્રો પાસેથી મળતી વિગતો મુજબ, મૂળ છત્તીસગઢની રહેવાસી અને હાલમાં રાજકોટ એઇમ્સમાં એમબીબીએસના ચોથા વર્ષમાં અભ્યાસ કરતી વિદ્યાર્થિની જામનગર રોડ ઉપરની પીજી હોસ્ટેલમાં રહે છે.

અહીં તેણીએ ગળાફાંસો ખાઇ જીવન ટૂંકાવવાનો પ્રયાસ કર્યાે હતો. જેથી તેને બેભાન હાલતમાં સારવાર માટે સિવિલ હોસ્પિટલમાં ખસેડવામાં આવી હતી.બીબોએ જણાવ્યું હતું કે, આ વિદ્યાર્થિનીએ પોતાના પર્સનલ કારણોથી આપઘાતનો પ્રયાસ કર્યાે હતો.

બપોરે સાડા ત્રણ વાગ્યે બનેલી આ ઘટના બાદ હાલ આ વિદ્યાર્થિની ભાનમાં તો આવી ગઈ છે, પરંતુ હાલ તે આરામ કરી રહી હોવાથી કશું બોલી રહી નથી. આ બનાવ અંગે પ્રદ્યુમન નગર પોલીસે ગુનો નોંધી વધુ તપાસ હાથ ધરી છે. આ ઘટનાની માહિતી મળતા યુવતીના પરિવારજનો છત્તીસગઢથી રાજકોટ આવવા નીકળી ગયા હતા.SS1MS