માઇક્રોસોફ્ટ એક સાથે સાત હજાર કર્મચારીઓની છટણી કરશે

નવી દિલ્હી, આઈટી જાયન્ટ માઇક્રોસોફ્ટ ફરી એકવાર તેના વિવિધ એકમોમાંથી ૭૦૦૦ કર્મચારીઓને છૂટા કરવાની યોજના બનાવી છે. માઇક્રોસોફ્ટે જાહેરાત કરી છે કે તે તેના વૈશ્વિક કાર્યબળના ૩% કર્મચારીઓની છટણી કરશે, જેનાથી તમામ સ્તરો, ટીમો અને ભૌગોલિક ક્ષેત્રોમાં હજારો કર્મચારીઓને અસર થશે.

ગયા જૂન સુધીમાં ૨૨૮,૦૦૦ લોકોને રોજગારી આપતી કંપનીનો છટણીનો હેતુ મેનેજમેન્ટ સ્તરો ઘટાડવા અને કામગીરીને સુવ્યવસ્થિત કરવાનો છે.

માઇક્રોસોફ્ટના પ્રવક્તાએ એક નિવેદનમાં જણાવ્યું હતું કે, ગતિશીલ બજારમાં કંપનીને શ્રેષ્ઠ સ્થાને લાવવા માટે અમે જરૂરી સંગઠનાત્મક ફેરફારો લાગુ કરવાનું ચાલુ રાખ્યું છે.

૨૦૨૩માં ૧૦૦૦૦ કર્મચારીઓની છટણી પછી માઇક્રોસોફ્ટ દ્વારા આ સૌથી મોટો ઘટાડો છે. પર્ફાેર્મન્સ બેઝ્ડ લે-ઓફથી વિપરિત કંપનીએ સૂચવ્યું કે આ છટણી માળખાકીય પ્રકૃતિની છે.

આ છટણી ખાસ કરીને મધ્યમ વ્યવસ્થાપન ભૂમિકાઓને અસર કરી શકે છે.માઈક્રોસોફ્ટની પર્ફાેર્મન્સ મેનેજમેન્ટ સિસ્ટમમાં નોંધપાત્ર ફેરફારો વચ્ચે કર્મચારીઓમાં ઘટાડો કરવામાં આવ્યો છે.

બિઝનેસ ઇનસાઇડર દ્વારા જોવામાં આવેલા આંતરિક દસ્તાવેજો અનુસાર કંપનીએ કામગીરીના મુદ્દાઓને કારણે ફરજ પાડવામાં આવેલા કર્મચારીઓ માટે બે વર્ષનો રિહાયર પ્રતિબંધ લાગુ કર્યાે છે. એપ્રિલમાં માઇક્રોસોફ્ટના અપેક્ષા કરતાં વધુ સારા ત્રિમાસિક પરિણામો આવ્યા બાદ આ છટણી કરવામાં આવી છે.

એમેઝોન અને ગુગલ સહિત અન્ય ટેક જાયન્ટ્‌સમાં પણ આવી જ વ્યૂહરચના લાગુ કરવામાં આવી છે. મેટા પણ આ વર્ષે હજારો કર્મચારીઓને છટણી કરે તેવી અપેક્ષા છે, કારણ કે સીઈઓ માર્ક ઝુકરબર્ગ ‘કાર્યક્ષમતાના વર્ષ’ માટે દબાણ કરી રહ્યા છે.SS1MS