મીનુ મુમતાઝે પોતાના સગા ભાઈ સાથે કર્યો રોમાન્સ

મુંબઈ, હિન્દી સિનેમાની એક પીઢ અભિનેત્રી, જેણે ઘણી ફિલ્મોમાં કામ કર્યું. તે બબલી અને સુંદર અભિનેત્રી, જેણે સ્ટેજ ડાન્સર તરીકે તેની કારકિર્દીની શરૂઆત કરી અને પછી થોડા જ સમયમાં બોલિવૂડની ડાન્સિંગ ક્વીન બની ગઈ.

અભિનેત્રી જે પોતાની આંખો દ્વારા દરેક વાત જણાવતી હતી. મીના કુમારીએ જ તેમને ફિલ્મોમાં નામ આપ્યું હતું.

તમને જાણીને નવાઈ લાગશે કે ગરીબીના દિવસોમાં આ સ્ટાર પોતાના મોટા ભાઈની સાથે પોતાના આઠ નાના ભાઈ-બહેનોનો ખર્ચ એકલા હાથે ઉઠાવતી હતી. હિન્દી ફિલ્મોમાં તે એકમાત્ર અભિનેત્રી છે જેણે તેના ભાઈ સાથે પડદા પર રોમાન્સ કરીને ચર્ચા જગાવી હતી, જેના માટે તેની ખૂબ ટીકા થઈ હતી.

આવો તમને જણાવીએ કે આ અભિનેત્રી કોણ હતી અને તેણે કેવી ફિલ્મોમાં કામ કર્યું હતું. આ એ અભિનેત્રી છે જે તેના નામથી ઓછી અને ચહેરાથી વધુ જાણીતી હતી.

જાે તમે તેનું નામ જાણતા ન હોવ તો પણ તેના પ્રખ્યાત ગીતો અને તેમાંના તેના ગજબ ડાન્સનાં કારણે તમે ચોક્કસપણે તેનો ચહેરો ઓળખી શકશો. તેમના પિતા પણ પ્રખ્યાત ડાન્સર અને અભિનેતા હતા, જેનું નામ મુમતાઝ અલી હતું. અહીં અમે જે અભિનેત્રી વિશે વાત કરી રહ્યા છીએ તે છે મીનુ મુમતાઝ.

મીનુ મુમતાઝનું સાચું નામ મલિકુન્નિસા અલી હતું. મીનુ મુમતાઝના નામકરણની વાત કરીએ તો, તેના ભાઈ મેહમૂદના લગ્ન મીના કુમારીની નાની બહેન મધુ સાથે થયા હતા, જેના કારણે મીના તેના ઘરે ઘણી આવતી હતી અને તે પણ મીનુ મુમતાઝને તેની નાની બહેનની જેમ જ માનતી હતી.

એવું કહેવાય છે કે પીઢ અભિનેત્રી મીના કુમારીએ પોતાનું નામ મીનુ મુમતાઝ રાખ્યું હતું. મીનુ મુમતાઝને ૮ ભાઈ-બહેનો હતા. તેમાંથી તેનો મોટો ભાઈ મહમૂદ અલી પણ હતો. જ્યારે મીનુ નાની હતી, ત્યારે તેણે તેના ડાન્સર પિતા સાથે અલગ-અલગ શહેરોમાં લાઈવ સ્ટેજ શો કરવાનું શરૂ કર્યું અને ત્યારથી તેનો ડાન્સ પ્રત્યેનો શોખ વધવા લાગ્યો.

પરંતુ કહેવાય છે કે સમય અને સંજાેગો બધું જ બદલી નાખે છે, કમનસીબે તેના પિતાને ધીમે-ધીમે દારૂ પીવાની લત લાગી ગઈ અને ટૂંક સમયમાં ઘરનું વાતાવરણ બગડવા લાગ્યું. તેના પિતાએ દારૂ પીધા સિવાય કંઈ જ કર્યું નહીં અને આમ ઘરની આર્થિક સ્થિતિ કથળવા લાગી. ઘરમાં નાના બાળકોને ભૂખ્યા સૂવાની ફરજ પડી હતી.

આવી સ્થિતિમાં મીનુ મુમતાઝે વિચાર્યું કે જાે તે સ્ટેજ પર્ફોર્મન્સની સાથે ફિલ્મોમાં પણ કામ કરે તો ઘરનો ચૂલો બળી શકે. મીનુ મુમતાઝે ફિલ્મોમાં કામ કરવાનો પ્રયાસ કર્યો અને તેની મહેનત રંગ લાવી. તેને ફિલ્મોમાં એન્ટ્રી મળી.

દેવિકા રાનીએ હિન્દી સિનેમામાં પહેલો બ્રેક આપ્યો, તેણે બોમ્બે ટોકીઝમાં મીનુને ડાન્સર તરીકે રાખી. મીનુએ પોતાના કરિયરની શરૂઆત ૧૯૫૫માં રિલીઝ થયેલી ફિલ્મ ‘ઘર ઘર મેં દિવાલી’થી કરી હતી.

આ ફિલ્મમાં તેણે ગામડામાં રહેતી ડાન્સરની ભૂમિકા ભજવી હતી. આ પછી તે ‘સખી હાતિમ’માં જાેવા મળી હતી, પરંતુ તેને તેની અસલી ઓળખ ૧૯૫૬માં રિલીઝ થયેલી ગુરુ દત્તની ફિલ્મ ‘CID’થી મળી હતી. SS1SS