મિસાઈલ હુમલા બાદ યુક્રેનમાં ફરી તબાહી શરૂ -20ને હોસ્પિટલમાં દાખલ કરાયા
કિવ, યુક્રેનના ઝાપોરિઝ્ઝ્યા શહેરમાં ગઈકાલે રાત્રે એક એપાર્ટમેન્ટ પર રશિયન હુમલામાં ઓછામાં ઓછા ૧૭ લોકો માર્યા ગયા અને ડઝનેક લોકો ઘાયલ થયા છે. અધિકારીઓએ રવિવારે આ જાણકારી આપી. ઝાપોરિઝ્ઝ્યા સિટી કાઉન્સિલ સેક્રેટરી અનાતોલી કુર્તેવએ ટેલિગ્રામ એપ્લિકેશન પર જણાવ્યું હતું કે ગઈકાલે રાત્રે શહેરમાં રોકેટ હુમલો કરવામાં આવ્યા, ઓછામાં ઓછા ૨૦ મકાનો અને ૫૦ એપાર્ટમેન્ટને નુકસાન થયું છે.
યુક્રેનની સેનાએ પણ હુમલાની પુષ્ટિ કરતા કહ્યું કે ડઝનેક લોકો ઘાયલ થયા છે. ટેત્યાના લાઝુન્કો, ૭૩ અને તેના પતિ ઓલેશ્કી, જેઓ હુમલો કરવામાં આવ્યો હતો તે ઈમારતોમાંથી એકમાં રહેતા હતા, જ્યારે તેઓએ હુમલા વિશે ચેતવણી આપતા સાયરન સાંભળ્યા, ત્યારે એપાર્ટમેન્ટના ઉપરના માળે છુપાઈ ગયા.
જાે કે બ્લાસ્ટમાં તેમનો જીવ બચી ગયો હતો, પરંતુ ભય હજુ પણ યથાવત છે. લાઝુન્કોએ કહ્યું ‘એક વિસ્ફોટ થયો હતો. બધું ધ્રૂજી રહ્યું હતું. બધું તૂટી ગયું અને હું માત્ર ચીસો પાડી રહી હતી.’ યુક્રેનના રાષ્ટ્રપતિ વોલ્દમિર ઝેલેન્સકીએ ટેલિગ્રામ એપ પર લખ્યું, ફરી એકવાર મધ્યરાત્રિએ ઝાપોરિઝ્ઝ્યા પર હુમલો થયો.
ફરી એકવાર નાગરિકો અને રહેણાંક મકાનોને નિશાન બનાવવામાં આવ્યા. જેણે આદેશ આપ્યો, જેણે અમલ કર્યો, તેણે જવાબ આપવો પડશે. વિસ્ફોટના કલાકો પછી રશિયાના સંરક્ષણ મંત્રાલયે જણાવ્યું હતું કે રશિયન નૌકાદળના વડા સર્ગેઈ સુરોવિકિન હવેથી યુક્રેનમાં તમામ રશિયન સૈનિકોનું નેતૃત્વ કરશે.
સુરોવિકિનને ઉનાળા દરમિયાન દક્ષિણ યુક્રેનમાં સૈનિકોની જવાબદારી સોંપવામાં આવી હતી. તેણે સીરિયામાં રશિયન દળોનું નેતૃત્વ કર્યું છે. તેના પર સીરિયાના અલેપ્પોમાં બોમ્બ વિસ્ફોટ કરવાનો આરોપ છે, જેણે શહેરનો મોટાભાગનો નાશ કર્યો હતો.
તાજેતરના અઠવાડિયામાં ઝપોરિઝિયાને ઘણી વખત નિશાન બનાવવામાં આવ્યા છે. તે યુક્રેન દ્વારા નિયંત્રિત વિસ્તારમાં આવે છે, જેના પર રશિયાએ ગયા અઠવાડિયે કબજાે કર્યો હતો. આ વિસ્તારનો એક ભાગ હાલમાં રશિયન કબજા હેઠળ છે. આ તે છે જ્યાં ઝાપોરિઝ્ઝ્યા ન્યુક્લિયર પાવર પ્લાન્ટ આવેલું છે, જે યુરોપનો સૌથી મોટો પાવર પ્લાન્ટ હોવાનું કહેવાય છે.
