અભિનેતા કુણાલ ઠાકુર સાથે પરણી ગઈ મુક્તિ મોહન

મુંબઈ, પ્રખ્યાત અભિનેત્રી મુક્તિ મોહનના કુણાલ ઠાકુર સાથેના લગ્નની તસવીરો વાયરલ થઈ રહી છે. કુણાલ ઠાકુર હાલમાં જ રણબીર કપૂર સ્ટારર ફિલ્મ ‘એનિમલ’માં જાેવા મળ્યો હતો. તેણે ગીતાંજલિનાં (રશ્મિકા મંદન્ના) પૂર્વ મંગેતરની ભૂમિકા ભજવી હતી.

શક્તિ અને નીતિ મોહનની બહેન મુક્તીએ ઈન્સ્ટાગ્રામ પર ઘણી તસવીરો શેર કરી છે, જેમાં તે પેસ્ટલ પિંક લહેંગામાં સુંદર લાગી રહી છે. તે રેડ બેંગલ સેટ, ગ્રીન જ્વેલરી અને મિનિમલ મેકઅપમાં જાેવા મળી રહી છે.

કુણાલે હાથીદાંતી રંગની ભારે ભરતકામવાળી શેરવાની પહેરી છે. લગ્નની ખુશીની તસવીરોમાં મુક્તિની સાથે બહેનો નીતિ અને શક્તિ પણ જાેવા મળી રહી છે. અભિનેત્રીએ તેના નજીકના લોકોની કેટલીક અન્ય તસવીરો પણ શેર કરી છે.

મુક્તિએ પોસ્ટને કેપ્શન આપ્યું હતું કે, ‘તારામાં, મને મારો જીવનસાથી મળ્યો છે. તારી સાથે મારી મુલાકાત નક્કી જ છે. ભગવાન, કુટુંબ અને મિત્રો દ્વારા આપવામાં આવેલા આશીર્વાદ માટે આભારી. અમારા પરિવારો ખુશ છે અને પતિ અને પત્ની તરીકે અમારી આગળની સફર માટે તમારા આશીર્વાદ માંગીએ છીએ.

નીતિ મોહને આ ફોટોઝ પર કોમેન્ટ્‌સ કરી હતી કે, ‘આશીર્વાદ, પ્રેમ અને સપોર્ટ.’ આયુષ્માન ખુરાના અને તેની પત્ની તાહિરા કશ્યપે પોસ્ટ પર રેડ હાર્ટ ઇમોજીસ ઉમેર્યા. વિજય વર્માએ કહ્યું, ‘અભિનંદન મિત્રો! ખૂબ જ સુંદર.” કુશલ ટંડને પણ કોમેન્ટ કરી હતી કે, “હે કુણાલ, તમને બંનેને અભિનંદન.” વિશાલ દદલાનીએ કહ્યું, ‘તમે લોકો સાથે સુંદર લાગો છો! માફ કરશો હું ત્યાં ન આવી શક્યો! દુનિયાનો બધો પ્રેમ તમને બંનેને મળે!’ મૌની રોયે લખ્યું હતું કે, ‘હાર્દિક અભિનંદન.

તમને બંનેને જીવનભર સાથ અને સુખ મળે. સંજય કપૂરે કહ્યું, અભિનંદન. મુક્તિએ ડાન્સ રિયાલિટી શો ‘જરા નચકે દિખા ૨’ જીતીને પોતાની ઓળખ બનાવી હતી. મુક્તિએ ‘ઝલક દિખલા જા ૬’ અને ‘ખતરોં કે ખિલાડી ૭’માં પણ ભાગ લીધો છે.

રિપોર્ટ અનુસાર, તે ‘લસ્ટ સ્ટોરીઝ ૨’, ‘હેટ સ્ટોરી’ અને ‘બ્લડ બ્રધર્સ’માં તેના કામ માટે પણ જાણીતી છે. SS1SS