જીવનમાં ક્યારેય દારૂને હાથ લગાડ્યો નથીઃ કાર્તિક આર્યન

મુંબઈ, નવા વર્ષની શરૂઆત સાથે કાર્તિક આર્યનના સિતારા બુલંદી પર આવી ગયાં છે. કાર્તિકની હોરર કોમેડી ‘ભૂલ ભુલૈયા ૩’ થીયેટરમાં કમાલ બતાવી રહી છે. કાર્તિક આર્યનને બોલિવૂડમાં સાદગી માટે ઓળખવામાં આવે છે.

કાર્તિકે પોતાની આ ઈમેજને મજબૂત બનાવતાં દાવો કર્યાે છે કે, તેણે જીવનમાં ક્યારેય દારૂ પીધો નથી. ‘ભૂલ ભુલૈયા ૩’ની સફળતા અંગે વાત કરતાં કાર્તિકે કહ્યું હતું કે, તેણે જીવનમાં ક્યારેય દારૂ પીધો નથી. આ બધી વસ્તુઓમાં તેને કોઈ રસ નથી.

બોલિવૂડની પાર્ટીઓમાં સતત હાજરી આપવા છતાં કાર્તિકને દારૂથી દૂર રહેવામાં સફળતા મળવાનું આશ્ચર્યજનક છે. કાર્તિકની ગણતરી ટોચના સ્ટાર્સમાં થતી હોવા છતાં તે હંમેશા પોતાની માતાનું કહ્યું માને છે. કાર્તિકને તેની માતાએ બાઈક નહીં ચલાવવા કહ્યું છે.

કાર્તિકે કહ્યું હતું કે, તેની પાસે રોયલ એનફિલ્ડ અને ડુકાટી સ્ક્રેમ્બલર છે, પરંતુ તે ચલાવતો નથી. કરિયરની શરૂઆતમાં કાર્તિક પાસે થર્ડ હેન્ડ ટોયોટા કોરોલા કાર હતી. આ કારને કાર્તિકે રૂ.૪૫,૦૦૦માં ખરીદી હતી. કારનો ડ્રાઈવર સાઈડનો દરવાજો ખુલતો ન હતો, જેથી કાર્તિક હંમેશા પેસેન્જર સાઈડથી કારમાં પ્રવેશ કરતો અને સીટ કૂદીને ડ્રાઈવર સીટ પર જતો હતો.

આ કાર કાર્તિક માટે ખૂબ ખાસ હતી અને કાર્તિક તેને સંઘર્ષના સમયની સાથીદાર ગણાવે છે. કાર્તિકને સ્પીડ ટેસ્ટ માટે કાર ચલાવવાનું ગમે છે. લેમ્બોર્ગિની ફૂલ સ્પીડમાં ચલાવી ત્યારે કાર્તિકના ઘરે ટ્રાફિક ચલાન આવ્યુ હતું. ચલાન સીધું ઘરે આવતાં ઠપકો મળ્યો હોવાનું કાર્તિકને યાદ છે.SS1MS