Western Times News

Latest News from Gujarat India

સેન્સેક્સમાં ૧૦૪૫, નિફ્ટીમાં ૩૩૧ પોઈન્ટનો કડાકો જાેવાયો

મુંબઈ, યુએસ સેન્ટ્રલ બેંક ફેડરલ રિઝર્વ દ્વારા બુધવારે ચાવીરૂપ વ્યાજ દરોમાં ૦.૭૫ ટકાના વધારાની અસર ગુરુવારે ભારતીય શેરબજારમાં જાેવા મળી હતી. ગુરુવારે સેન્સેક્સ ૧૦૪૫ પોઈન્ટ્‌સ અને નિફ્ટી ૩૩૧ પોઈન્ટ ઘટીને બંધ રહ્યો હતો. આ સાથે નિફ્ટી ૧૫,૩૬૦ની નવી ૫૨ સપ્તાહની નીચી સપાટીએ પહોંચી ગયો છે. દલાલ સ્ટ્રીટ પરનો મૂડ અત્યારે સ્પષ્ટપણે મંદીનો છે. બીએસઈ પર ૩૩૭૫ શેરના ટ્રેડિંગમાંથી લગભગ ૨૬૩૨ શેર્સ નેગેટિવમાં ટ્રેડ થઈ રહ્યા હતા.

બીએસઈ પર લિસ્ટેડ કંપનીઓની માર્કેટ મૂડી ઘટીને રૂ. ૨૩૯ લાખ કરોડ થઈ જતાં રોકાણકારોને રૂ. ૫ લાખ કરોડનું નુકસાન થયું છે. ચાલો જાણીએ કે આજના શેરબજારમાં કડાકા પાછળના મુખ્ય કારણો શું છે. યુએસ ફેડએ બુધવારે મુખ્ય વ્યાજ દરમાં ૦.૭૫ ટકાનો વધારો કર્યો છે. ૨૮ વર્ષમાં વ્યાજ દરમાં આ સૌથી મોટો ઉછાળો છે. આ સાથે, ફેડએ વર્ષ ૨૦૨૨ અને ૨૦૨૩ માટે અમેરિકાના વિકાસના અનુમાનમાં પણ ઘટાડો કર્યો છે.

જાેકે, ફેડનું કહેવું છે કે દેશમાં કોઈ મંદી નહીં આવે. ફેડરલ રિઝર્વના ચેરમેન જેરોમ પોવેલે વ્યાજ દરમાં વધુ વધારાનો સંકેત આપ્યો છે. જેરોમ પોવેલના જણાવ્યા અનુસાર, ફેડ જુલાઈમાં ફરી ૦.૭૫ દ્વારા દર વધારી શકે છે. તેમણે એમ પણ કહ્યું કે ફેડ પાસે ફુગાવાને નિયંત્રણમાં લાવવા માટે જરૂરી ઉકેલો છે. તમને જણાવી દઈએ કે અમેરિકામાં મોંઘવારી ૪૦ વર્ષમાં સૌથી વધુ છે. ડેટા દર્શાવે છે કે વિદેશી રોકાણકારો (એફપીઆઈએસ)એ ચાલુ કેલેન્ડર વર્ષમાં અત્યાર સુધીમાં રૂ. ૧૯,૨૧૦૪ કરોડની ઇક્વિટી વેચી છે.

આમાં જૂનમાં અત્યાર સુધીમાં એફપીઆઈએસ દ્વારા રૂ. ૨૪,૯૪૯ કરોડનું વેચાણ સામેલ છે. ગોલ્ડમૅન સાસના સીઝર માસરીએ ચેતવણી આપી હતીઃ ઉભરતા બજારો આગામી ૩ મહિનામાં એક્ઝિટ અને અંડરપર્ફોર્મન્સ જાેઈ શકે છે.” જિયોજીત ફાઇનાન્શિયલ સર્વિસિસના ચીફ ઇન્વેસ્ટમેન્ટ સ્ટ્રેટેજિસ્ટ વીકે વિજયકુમારે જણાવ્યું હતું કે એફપીઆઇ દ્વારા સતત વેચવાલી દલાલ સ્ટ્રીટ માટે મોટો ફટકો છે.
વૈશ્વિક બજારોમાં મોટા ઘટાડાને કારણે નિફ્ટીમાં પણ ઘટાડો જાેવા મળી રહ્યો છે.

મંદીના ભયને કારણે મોટાભાગના એશિયન શેરોએ તેમનો ફાયદો ગુમાવ્યો છે. ફેડના ર્નિણય બાદ અમેરિકી શેરબજારમાં ઉછાળો જાેવા મળ્યો હતો, પરંતુ આ પછી ડાઉ ફ્યુચરમાં ૧.૨ ટકાના ઘટાડા સાથે કારોબાર થતો જાેવા મળ્યો હતો. ચીનના શેરો પણ ઘટાડા સાથે બંધ થયા હતા. જ્યારે યુકેની બ્લુ ચિપ એફટીએસઈ ૧૦૦ બેક ઓફ ઈંગ્લેન્ડ પોલિસી મીટિંગમાં વ્યાજદરમાં વધારાની શક્યતાને કારણે ૦.૫ ટકા ઘટ્યો હતો. જાેકે, જાપાનનો નિક્કી સતત ચાર દિવસના ઘટાડા બાદ ૦.૪ ટકાના વધારા સાથે બંધ રહ્યો હતો.

બજારના નિષ્ણાતો ચિંતિત છે કે શું ફેડની રેટ વધારાની યોજના ફુગાવાને નિયંત્રિત કરવામાં સક્ષમ હશે અને અથવા મંદી તરફ દોરી જશે. ડૉ. વી.કે. વિજયકુમારે જણાવ્યું હતું કે હાલમાં કોઈ જાણતું નથી કે વધતા દરો યુએસ અર્થતંત્રને મંદીમાં લઈ જશે કે કેમ. આ સપ્તાહની શરૂઆતમાં એક સર્વે રિપોર્ટ અનુસાર, ૪૦ વર્ષમાં સૌથી ઝડપી ફુગાવાને અંકુશમાં લેવા માટે ફેડ દ્વારા વ્યાજદરમાં વધારો કરવાના કારણે યુએસ અર્થતંત્રમાં આગામી વર્ષે મંદી જાેવા મળી શકે છે.SS2KP

Copyright © All rights reserved. | Developed by Aneri Developers