આલિયા ભટ્ટે દિલ્હીમાં BF રણબીર સાથે સમય વિતાવ્યો
મુંબઈ: રણબીર કપૂર અને આલિયા ભટ્ટની કેમેસ્ટ્રી ફિલ્મી પડદે જાેવા માટે ફેન્સ આતુર છે. દરમિયાન કપલની એકબીજાના પરિવાર સાથેની મિત્રતા અવારનવાર જાેવા મળી રહી છે. છેલ્લા એકાદ વર્ષથી રણબીર કપૂર અને આલિયા ભટ્ટ એકબીજાના પરિવારો સાથે સમય વિતાવતા જાેવા મળ્યા છે. રણબીર કપૂર હાલ શ્રદ્ધા કપૂર સાથે લવ રંજનની આગામી ફિલ્મનું દિલ્હીમાં શૂટિંગ કરી રહ્યો છે.
ત્યારે લાગી રહ્યું છે કે, એક્ટરની ગર્લફ્રેન્ડ આલિયા ભટ્ટે તેની સાથે સમય વિતાવવા કામમાંથી બ્રેક લીધો છે. આલિયા ભટ્ટ રણબીર સાથે સમય પસાર કરવા દિલ્હી પહોંચી ગઈ છે. રવિવારે કપલે રણબીરની બહેન રિદ્ધિમા કપૂર સહાની અને તેના પરિવાર સાથે વિતાવી હતી.ઈન્સ્ટાગ્રામ અકાઉન્ટ પર રિદ્ધિમાએ ઘરે જ લીધેલા સન્ડે લંચની ઝલક બતાવી હતી.
તસવીર શેર કરતાં રિદ્ધિમાએ લખ્યું, “ફેમ જામ! સન્ડે ??” સાથે જ રિદ્ધિમાએ જણાવ્યું કે આ ગેટ-ટુ-ગેધરમાં તે નીતૂ કપૂર, સોની રાઝદાન અને શાહીન ભટ્ટને મિસ કરી રહી છે. તસવીરમાં રણબીર-આલિયાની સાથે રિદ્ધિમા કપૂર, તેનો પતિ ભરત અને દીકરી સમારા જાેવા મળી રહ્યા છે. આલિયા ભટ્ટે રવિવારે રાત્રે એક મિરર સેલ્ફી શેર કરી હતી.
તસવીર શેર કરતાં આલિયાએ લખ્યું હતું, ડેટ-ઓ-ક્લોક આ પરથી લાગી રહ્યું છે કે બપોરે રિદ્ધિમાના ઘરે લંચ લીધા બાદ સાંજે કપલ ડેટ પર ગયું હશે. આ તસવીરમાં આલિયા કમ્ફર્ટેબલ સ્વેટર અને ફંકી ઈયરિંગ્સમાં જાેઈ શકાય છે. સાથે દિલ્હીમાં ક્વોલિટી ટાઈમ વિતાવ્યા પછી આલિયા આજે (સોમવારે) સવારે મુંબઈ પાછી આવી છે. એરપોર્ટ પર બ્લેક ટોપ અને મલ્ટીકલર પેન્ટમાં આલિયા સ્ટાઈલિશ અવતારમાં જાેવા મળી હતી.
વર્કફ્રંટની વાત કરીએ તો, આલિયા ભટ્ટ અને રણબીર કપૂર એકસાથે ફિલ્મ બ્રહ્માસ્ત્રમાં જાેવા મળશે. આ સિવાય આલિયા ‘ઇઇઇ’ અને ગંગુબાઈ કાઠિયાવાડી જેવી ફિલ્મોમાં જાેવા મળશે. તો રણબીર કપૂર લવ રંજનની ફિલ્મ ઉપરાંત શમશેરામાં જાેવા મળશે.
