Western Times News

Latest News from Gujarat

સિંગર નેહા કક્કડે ફ્રેન્ડના લગ્નમાં ધમાલ-મસ્તી કરી

મુંબઈ: નેહા કક્કડ અને રોહનપ્રીત સિંહ મંગળવારે દિલ્હીમાં યોજાયેલા ફ્રેન્ડના હાઈપ્રોફાઈલ લગ્નમાં સામેલ થયા હતા. આ લગ્નમાં અવનીત કૌરસ, ટોની ક્ક્‌કડ અને પંજાબી મ્યૂઝિક ઈન્ડસ્ટ્રીના ઘણા સિંગર્સ ઉપસ્થિત રહ્યા હતા. તમામે ત્યાં પર્ફોર્મન્સ આપ્યું હતું અને મહેમાનોએ ડીજે ચેતસના સોન્ગ પર ડાન્સ કર્યો હતો. સોશિયલ મીડિયા પર બધાએ ભેગા મળીને કરેલી મસ્તીના વીડિયો વાયરલ થયા છે. નેહા કક્કડ અને રોહનપ્રીત સિંહે ટોની કક્કડના સોન્ગ શોના શોના પર ડાન્સ કર્યો હતો. જેમાં સિંગર સિલ્વર શિમરી લહેંગામાં સુંદર લાગતી હતી

જ્યારે બોય્ઝ યલ્લો કૂર્તા પાયજામામાં જાેવા મળ્યા હતા. ભાઈ-બહેનની જાેડીએ તેમના લેટેસ્ટ ટ્રેક ‘બૂટી શેક’ પર ડાન્સ કર્યો હતો. નેહા સહિત આખી ટીમે ગોગલ્સ પહેર્યા હતા અને સિદ્ધાર્થ મલ્હોત્રા તેમજ કેટરીના કૈફના ફેમસ સોન્ગ ‘કાલા ચશ્મા’ પર ડાન્સ કર્યો હતો. ફંક્શન માટે અવનીર કૌરે બ્લેક ડ્રેસ પહેર્યો હતો અને બાદમાં તેણે લહેંગો પહેરી લીધો હતો.

આ દરમિયાન તે સોશિયલ મીડિયા સેન્સેશન રિયાઝ અલી, સિંગર અંશુલ ગર્ગ સાથે સમય પસાર કરતી તેમજ નેહા અને ટોની સાથે ડાન્સ કરતી જાેવા મળી હતી. સુનીલ ગ્રોવર બોલિવુડ મેગાસ્ટાર અમિતાભ બચ્ચનના ડ્રેસઅપમાં આવ્યો હતો અને મહેમાનોને પૂછ્યું હતું કે, ‘તમારામાંથી કેટલા લોકો જીવનસાથીને બેબી કહીને બોલાવે છે?’.

નેહા કક્કડે સુનીલ સાથે વાતચીત કરતાં કહ્યું હતું કે, ‘બેબી’ રોહનપ્રીત સિંહે તેના માટે નોન-વેજ ફૂડ પણ છોડવાની તૈયારી દર્શાવી હતી. નેહાએ રોહનને બેબી કહેતાં સુનીલે મજાક ઉડાવી હતી અને કહ્યું હતું કે, ‘અહીંયા પણ બેબી?’. બાદમાં બધા હસવા લાગ્યા હતા. નેહા કક્કડ અને રોહનપ્રીત સિંહ રિયલ લાઈફમાં એકબીજાને બેબી અને બાબૂ કહીને બોલાવે છે.

તેમના સોશિયલ મીડિયા પોસ્ટના કોમેન્ટ સેક્શનમાં પણ ઘણીવાર આ શબ્દોનો ઉલ્લેખ જાેવા મળે છે. નેહા અને રોહનની મુલાકાતની વાત કરીએ તો, તેઓ ‘નેહૂ દા વ્યાહ’ના સેટ પર મળ્યા હતા અને બાદમાં ગયા વર્ષે દિલ્હીમાં ધામધૂમથી લગ્ન કર્યા હતા. હાલમાં વેલેન્ટાઈન ડે પર રોહનપ્રીતે પોતાના હાથ પર નેહાના નામનું ટેટૂ ત્રોફાવીને સરપ્રાઈઝ આપી હતી.

Copyright © All rights reserved. | Developed by Aneri Developers