Western Times News

Gujarati News

મહિલાએ પ્રેમી સાથે મળીને ઘરના સ્ટોર રુમમાં દફનાવ્યો પતિનો મૃતદેહ

ચંડીગઢ: પ્રેમી સાથે મળીને પતિની હત્યા કર્યા બાદ લાશને ઘરના સ્ટોર રૂમમાં દફનાવી હતી અને પતિ ગુમ થયાની નોંધાવી હતી. એક મહિના બાદ શંકાના આધારે પોલીસે પત્નીની કડક પૂછપરછ કરી હતી, ત્યારબાદ તે તૂટી પડી હતી અને સત્ય કહ્યું હતું.

ત્યારબાદ પોલીસે ફરજ બજાવતા મેજિસ્ટ્રેટની હાજરીમાં ઘરમાં દફનાવાયેલી લાશને બહાર કાઢી હતી. મૃતદેહને પોસ્ટ મોર્ટમ માટે પીજીઆઈ રોહતક મોકલવામાં આવ્યો છે. આરોપી પત્ની અને તેના પ્રેમીની ધરપકડ કરવામાં આવી છે. બંને પર હત્યા, ગુનાહિત કાવતરું અને અન્ય કલમો સહિતની કલમો હેઠળ કેસ દાખલ કરાયો છે.

આ મામલો હરિયાણાના યમુનાનગર જિલ્લાના પ્રતાપનગર પોલીસ સ્ટેશનનો છે. તિલક રાજ તેમની પત્ની પાલો અને બે વર્ષની પુત્રી સાથે રહેતો હતો. તિલક રાજને તેની પત્ની પાલો અને તેના ૧૮ વર્ષના બોયફ્રેન્ડ સોહિલના સંબંધ વિશે ખબર પડી.

ત્યારબાદ પાલો અને સોહિલે તિલકરાજને તેના રસ્તાથી દૂર કરવા પ્લાન બનાવ્યો. પાલોએ તેના પતિના ગુમ થયા અંગે પોલીસ સ્ટેશનમાં ફરિયાદ નોંધાવી હતી.

પોલીસે શોધખોળ કરી પણ એક અઠવાડિયાથી તિલક રાજનો કોઈ પત્તો લાગ્યો ન હતો. ગુમ થયાના અનેક કેસ નોંધાયા હતા. તેના પતિના અચાનક ગાયબ થઈ ગયા પછી લોકોને પાલોના ચહેરા પર કોઈ રંજ દેખાઈ રહ્યો નહોતો. સોહિલનું તિલક રાજના ઘરે આવવાનું પણ ચાલુ હતું. આ સમય દરમિયાન એક પાડોશીએ પાલો અને સોહિલની વાંધાજનક વાતો સાંભળી. બંને લગ્ન કરવાની વાત કરી રહ્યા હતા.

જ્યારે તિલક રાજની બહેન સુનિતાએ તેની ભાભીને યુવક સાથે હસતી જાેઇને શંકા ગઈ હતી. આ વાત બહેન અને પડોશીઓએ પોલીસને જણાવી હતી. પોલીસે આ મામલે બે દિવસ સઘન તપાસ કરી અને પાલોને પૂછપરછ માટે બોલાવમાં આવી હતી. પૂછપરછ દરમિયાન પાલો તૂટી ગઇ અને આખી વાત કહી હતી. પાલોએ જણાવ્યું હતું કે તેણે સોહિલ સાથે મળીને તિલક રાજનું ગળું દબાવી હત્યા કરી હતી

મૃતદેહને ઘરના સ્ટોર રૂમમાં દફનાવ્યો હતો. પોલીસે લાશને બહાર કાઢી બંને આરોપીઓ સામે ગુનો નોંધીને ધરપકડ કરી હતી.
તિલકરાજ એક મહિના પહેલા ગુમ થયો હતો. પત્ની પાલોએ તેના ગુમ થયાની ફરિયાદ નોંધાવી હતી. શંકાના આધારે જાે પાલોની પૂછપરછ કરવામાં આવી તો તેણે તેના પ્રેમી સાથે મળીને પતિની હત્યા કરવાની કબૂલાત કરી છે.


Read News In Hindi

Read News in English

Copyright © All rights reserved. | Developed by Aneri Developers.