Western Times News

Gujarati News

રૂબિના દિલેકનું પતિ અભિનવે ઘરે શાનદાર સ્વાગત કર્યું

રાહુલ વૈદ્ય, રાખી સાવંત, અલી ગોની અને નિકી તંબોલીને હરાવીને એક્ટ્રેસ રૂબિના દિલેક ‘બિગ બોસ ૧૪’ની વિજેતા બની છે. સલમાન ખાને રૂબિનાને ‘બિગ બોસ ૧૪’ની વિજેતા જાહેર કરી ત્યારે પહેલા તો તેને વિશ્વાસ ના થયો. પરંતુ જ્યારે આ વાત માન્યામાં આવી ત્યારે એક્ટ્રેસ ખુશીથી ઉછળવા લાગી હતી.

રૂબિનાનો પતિ અભિનવ શુક્લા પણ ખૂબ આનંદિત થયો હતો. અભિનવે સ્ટેજ પર આવીને પત્નીને આલિંગન આપ્યું હતું. ‘બિગ બોસ’નો તાજ પોતાને નામ કર્યા બાદ રૂબિના ઘરે આવી.

ત્યારે તેના પતિએ ગ્રાન્ડ વેલકમની તૈયારી કરી રાખી હતી. પત્ની રૂબિના દિલેકની જીતને બિરદાવવા માટે અભિનવે ઘરે ખાસ તૈયારી કરી રાખી હતી. જેની ઝલક અભિનવે પોતાના ઈન્સ્ટાગ્રામ હેન્ડલ પર બતાવી છે. અભિનવે રૂબિનાના સ્વાગત માટે ઘર ફૂલ અને લાઈટ્‌સથી સજાવ્યું હતું. સાથે ગેલેરીમાં મોટા અક્ષરોથી રૂબિ લખેલી લાઈટ્‌સ મૂકી હતી.

આ ઉપરાંત ઘરમાં એક બેનર મૂક્યું હતું જેના પર વેલકમ ‘બોસ લેડી’ લખેલું હતું. તસવીરમાં જાેઈ શકાય છે રૂબિના બ્લેક આઉટફિટમાં ટ્રોફી સાથે ઊભેલી જાેવા મળે છે.

આ તસવીર શેર કરતાં અભિનવે લખ્યું, મારી વિજેતા. રૂબિના અને અભિનવે ખુલાસો કર્યો હતો કે, શોમાં આવતા પહેલા તેઓ ડિવોર્સ લેવા વિશે વિચારી રહ્યા હતા.

જાે કે, તેમના સંબંધો શો દરમિયાન મજબૂત થયા હતા અને હવે કપલ બીજીવાર લગ્ન કરવાનું છે. અમારા સહયોગી ઈટાઈમ્સ ટીવી સાથે વાત કરતાં રૂબિનાએ કહ્યું હતું, “હા અમે ફરી લગ્ન કરવાના છીએ.

હવે હું ડેસ્ટિનેશન વેડિંગ વિશે વિચારી રહી છું. ચોક્કસ બીજા લગ્ન કરીશું જ અને આ જર્ની કાયમની હશે અને આ માટે શોમાં અમે એકબીજાને વચન આપ્યું હતું. શો જીત્યા પછી રૂબિનાએ સવા ત્રણ મિનિટનું ઈન્સ્ટાગ્રામ લાઈવ કરીને ફેન્સનો આભાર માન્યો હતો. રૂબિનાએ વિડીયો શેર કરીને ફેન્સ ઉપરાંત સલમાન ખાન, ચેનલ અને પ્રોડક્શન હાઉસનો પણ આભાર માન્યો હતો. સાથે જ રૂબિનાએ જણાવ્યું હતું કે ટૂંક સમયમાં જ લાઈવ સેશન કરીને બિગ બોસના ઘરના પોતાના અનુભવો શેર કરશે. વિડીયોમાં રૂબિના બિગ બોસ ૧૪ની ટ્રોફી સાથે બેઠેલી જાેઈ શકાય છે.


Read News In Hindi

Read News in English

Copyright © All rights reserved. | Developed by Aneri Developers.