Western Times News

Latest News from Gujarat

શ્રદ્ધા કપૂરે ૩૪મો બર્થ ડે ઉજવ્યો, ચાહકોમાં ઉત્સાહ

મુંબઈ: શ્રદ્ધા કપૂર હાલ પરિવાર સાથે માલદીવ્સમાં છે. શ્રદ્ધા કપૂરની માસી અને એક્ટ્રેસ પદ્મિની કોલ્હાપુરેના દીકરા પ્રિયાંક શર્માના લગ્ન માટે આખો પરિવાર માલદીવ્સ ગયો છે. ત્યારે શ્રદ્ધા માટે ૩૪મો બર્થ ડે ખાસ બની રહેશે કારણકે તે આખા પરિવાર અને નજીકના મિત્રો સાથે સેલિબ્રેટ કરશે. શ્રદ્ધાના પિતા શક્તિ કપૂર દીકરીની ખૂબ નજીક છે. શ્રદ્ધાના ૩૪મા બર્થ ડે પર પિતાએ તેના ભરપૂર વખાણ કર્યા છે અને તેણે શું બર્થ ડે ગિફ્ટ માગી છે તે પણ જણાવ્યું છે. એક ન્યૂઝ પોર્ટલ સાથે વાત કરતાં શક્તિ કપૂરે દીકરીના વખાણ કરતાં કહ્યું,

“એક વ્યક્તિ તરીકે શ્રદ્ધાની તોલે કોઈ ના આવે. શ્રદ્ધામાં એ ગુણ છે જે મારામાં પણ નથી. તેનું દિલ સોનાનું છે. તે ઉદાર છે અને પશુ પ્રેમી છે. દીકરીની પ્રગતિ જાેઈને શક્તિ કપૂરના હરખનો પાર નથી. તેમણે કહ્યું, આજે શ્રદ્ધા આટલી સફળ થઈ છે છતાં પણ તે મારી વાત સાંભળે છે અને માને છે. કોઈપણ મહત્વના ર્નિણય કરતાં પહેલા મારી સાથે વિચાર-વિમર્શ કરે છે. તે મારું ખૂબ સન્માન કરે છે. આ જાેઈને હું પોતાને નસીબદાર માનું છું. શ્રદ્ધા ઈશ્વરે આપેલી ભેટ છે, દેવદૂત છે. ૩૪મા બર્થ ડે પર શ્રદ્ધા શું ગિફ્ટ માગી છે

તે વિશે પણ શક્તિ કપૂરે ઈન્ટરવ્યૂમાં જણાવ્યું હતું. તેમણે કહ્યું, શ્રદ્ધા ઈચ્છે છે કે હું સ્મોકિંગ છોડી દઉં. હવે દીકરીને જન્મદિવસે શક્તિ કપૂર આ ગિફ્ટ આપે છે કે કેમ એ તો આગામી સમયમાં ખબર પડી જ જશે. જાે શક્તિ કપૂર સ્મોકિંગ છોડશે તો આ પહેલીવાર નહીં હોય જ્યારે તેમણે પોતાના સંતાનો માટે કોઈ કુટેવ છોડી હોય. અગાઉ ‘બિગ બોસ ૫’માં શક્તિ કપૂરે ભાગ લીધો હતો.

ત્યારે ત્યાંથી આઉટ થયા બાદ તેમણે કીધું હતું, ‘શોમાં હું જીતવા માટે નહોતો ગયો. હું મારા બાળકો સિદ્ધાંત અને શ્રદ્ધાને બતાવવા માગતો હતો કે હું એક મહિનો દારુ વિના રહી શકું છું. મને ગર્વ છે કે મેં આ કરી બતાવ્યું. દરમિયાન વર્કફ્રંટની વાત કરીએ તો, શ્રદ્ધા પાસે કેટલાક રસપ્રદ પ્રોજેક્ટ છે. શ્રદ્ધા કપૂર ‘નાગિન’ ફિલ્મમાં ઈચ્છાધારી નાગણના રોલમાં જાેવા મળશે. આ સિવાય શ્રદ્ધા કપૂર લવ રંજનની ફિલ્મ કરી રહી છે. જેમાં તે પહેલીવાર રણબીર કપૂર સાથે સ્ક્રીન શેર કરશે. શ્રદ્ધા છેલ્લે ટાઈગર શ્રોફ સાથે બાગી ૩ માં જાેવા મળી હતી. આ ફિલ્મને દર્શકો તરફથી સારો પ્રતિસાદ મળ્યો હતો.

Copyright © All rights reserved. | Developed by Aneri Developers