૪૦ વર્ષની શ્વેતા તિવારીએ બોલ્ડ લૂકમાં ફોટો શેર કર્યો
૪૦ વર્ષની ઉંમર અને બે બાળકોની માતા શ્વેતા તિવારીના ટ્રાન્સફોર્મેશનની ચર્ચા ચારેય બાજુ છે. સુંદરતાના મામલે શ્વેતા તિવારી આજે પણ કોઈ બોલિવૂડ એક્ટ્રેસ કરતા પણ સુંદર લાગે છે. શ્વેતા તિવારીએ શેર કરેલા લેટેસ્ટ ફોટોગ્રાફ્સમાં તેનો બોલ્ડ અંદાજ જાેવા મળી રહ્યો છે. જ્યારથી એક્ટ્રેસ શ્વેતા તિવારીએ તેનું વજન ઉતાર્યું છે, ત્યારથી તેના સુંદર ફોટોગ્રાફ્સ ફેન્સને ખૂબ પસંદ આવી રહ્યા છે.
શ્વેતા તિવારીનો સ્લિમ લૂક ખૂબ ચર્ચામાં છે. શ્વેતા તિવારી આજકાલ તેના સોશિયલ મીડિયા ઈન્સ્ટાગ્રામ પર પોતાના બોલ્ડ અને સુંદર ફોટોગ્રાફ્સ શેર કરતી રહે છે. પોતાના બોલ્ડ ફોટોગ્રાફ્સ શેર કરતા શ્વેતા તિવારીએ લખ્યું કે ‘ડૉન્ટ ટ્રાય મી, હું જન્મથી નીડર છું.’ શ્વેતા તિવારીના આ ફોટોગ્રાફ્સની ખૂબ જ પ્રશંસા થઈ રહી છે અને તેના ફેન્સ સહિત ઘણાં સેલેબ્સ હવે તેના વખાણ કરતી કોમેન્ટ્સ કરી રહ્યા છે. અહીં નોંધનીય છે કે શ્વેતા તિવારી જાણીતી ટીવી સિરિયલ ‘કસોટી ઝિંદગી કી’માં પ્રેરણાના રોલથી ઘરે-ઘરે પોપ્યુલર થઈ હતી.
આજે પણ શ્વેતા તિવારીના ફેન્સ તેને ‘કસોટીની પ્રેરણા’ તરીકે ઓળખે છે. શ્વેતા તિવારીએ હાલમાં જ એક વિડીયો શેર કરતા ઘરેલુ હિંસા બાબતે પોતાનું દર્દ વ્યક્ત કર્યું હતું અને દીકરી પલક તિવારીને સલાહ આપી હતી કે તે ખોટું થઈ રહ્યું હોય તેની સામે અવાજ ઉઠાવે અને ક્યારેય પણ મુશ્કેલીનો સામનો ના કરે. આ વિડીયો પર શ્વેતા તિવારીને ખૂબ સપોર્ટ મળ્યો હતો.
શ્વેતા તિવારીના ૨ વખત લગ્ન થયા અને બંને વખત આ લગ્ન તૂટી ગયા. શ્વેતા તિવારીના પ્રથમ લગ્ન રાજા ચૌધરી સાથે થયા હતા. શ્વેતા તિવારીએ રાજા ચૌધરી પર મારામારીના ગંભીર આરોપ લગાવ્યા હતા. પલત, શ્વેતા અને રાજા ચૌધરીની દીકરી છે. શ્વેતા તિવારીએ લગ્નના ૯ વર્ષ બાદ રાજા ચૌધરીથી ડિવોર્સ લીધા હતા.
