Western Times News

Latest News from Gujarat

અમૃતાની પાર્ટીમાં મલાઈકા અને અર્જુનની નિકટતા વધી

મુંબઈ: અમૃતા અરોરાએ તેના ઘરે નાનકડી પાર્ટી યોજી હતી. જેમાં બોલિવુડના કેટલાક સેલેબ્સ ઉપસ્થિત રહ્યા હતા. આ મહેમાનોના લિસ્ટમાં અર્જુન કપૂર, મલાઈકા અરોરા, કરણ જાેહર, કરિશ્મા કપૂર, સંજય કપૂર, મહીપ કપૂર, ગૌરી ખાન, સીમા ખાન, મનિષ મલ્હોત્રા અને નતાશા પૂનાવાલાનો સમાવેશ થાય છે. આપણે સૌ જાણીએ છીએ કે, ફ્રેન્ડ્‌સ સાથે પાર્ટી હોય ત્યારે સેલ્ફી લેવી જરૂરી હોય છે, અમૃતા અરોરાના ઘરે યોજાયેલી પાર્ટીમાં પણ કંઈક આવું થયું.

અર્જૂન કપૂરે તેની ગેંગ સાથે સેલ્ફી લીધી હતી, જે અમૃતા અરોરાએ તેના સોશિયલ મીડિયા હેન્ડલ પર શેર કરી હતી. પાર્ટીમાંથી અન્ય કેટલીક તસવીરો પણ સામે આવી છે. જેમાં મલાઈકા અરોરાની સાથે અર્જુન કપૂર રોમાન્ટિક પોઝ આપતો જાેવા મળી રહ્યો છે. આ સિવાય કરણ જાેહરે પણ એક સેલ્ફી શેર કરી છે. જેમાં ગર્લ ગેંગ એટલે કે કરિશ્મા કપૂર, મલાઈકા અરોરા, અમૃતા અરોરા અને નતાશા પૂનાવાલા જાેવા મળી રહી છે. અમૃતા અરોરાના ઘરે યોજાયેલી પાર્ટીમાં કરિશ્મા કપૂરે લૂઝ શર્ટ અને પ્લાઝો પેન્ટ પહેર્યું હતું.

જેમાં તેણે ઈન કરીને રાખ્યું હતું. તો અર્જુન કપૂર કેઝ્‌યૂઅલ લૂકમાં જાેવા મળ્યો હતો. તેણે બ્લેક પેન્ટ અને વાદળી ટી-શર્ટ પહેર્યું હતું. અમૃતા અરોરાના ઘરે થયેલી પાર્ટીમાં કોઈએ ધ્યાન આકર્ષિત કર્યું હોય તો તે મલાઈકા અરોરા હતી. તેણે ચેરી શોર્ટ સૂટ તેમજ હાઈ હીલ્સ પહેરી હતી. ગૌરી ખાન બ્લેક આઉટફિટ પહેરીને આવી હતી જેમાં તે સુંદર લાગી રહી હતી.

તો સીમા ખાન, મહિપ કપૂર અને મનિષ મલ્હોત્રાએ સાથે મળીને ત્યાં ઉપસ્થિત ફોટોગ્રાફર સામે પોઝ આપ્યો હતો. નતાશા પૂનાવાલા કલરફુલ શોર્ટ ડ્રેસ પહેરીને આવી હતી. અમૃતા અરોરાના ઘરે પાર્ટી હોય અને તેની બેસ્ટી કરીના કપૂર ના આવે તેવું બને જ નહીં. જાે કે, આ વખતની પાર્ટીમાં તે ગેરહાજર જાેવા મળી હતી.

Copyright © All rights reserved. | Developed by Aneri Developers