Western Times News

Latest News from Gujarat

નેહાના લગ્ન બાદ પહેલીવાર મળતાં નીતૂએ શુકન આપ્યું

મુંબઈ: ઈન્ડિયન આઈડલ ૧૨માં આ વખતનો એપિસોડ ઋષિ કપૂર સ્પેશિયલ એપિસોડ રહેવાનો છે. જેમાં તેમના પત્ની અને એક્ટ્રેસ નીતૂ કપૂર મહેમાન બનીને આવવાના છે. શોના કન્ટેસ્ટન્ટ્‌સ દિવંગત લેજેન્ડરી એક્ટરની ફિલ્મોના મોસ્ટ લવ્ડ અને પોપ્યુલર સોન્ગ ગાતા જાેવા મળશે. જેનાથી નીતૂ કપૂર જૂની યાદોમાં ખોવાઈ જશે અને દરેક સાથે સેટ પરની કેટલીક રસપ્રદ સ્ટોરી સિવાય પતિ ઋષિ કપૂર સાથેના અંગત જીવનની કેટલીક વાતો શેર કરતાં જાેવા મળશે. આ સિવાય, બોલિવુડના આ સુંદર અદાકારા જજ નેહા કક્કડ સાથે કેટલીક સુંદર ક્ષણોની વહેંચણી કરતાં જાેવા મળશે. જેનો વીડિયો સામે આવ્યો છે. જેમાં નેહા કક્કડ નીતૂ કપૂરના કાન નીચે કાળો ટીકો કરતી જાેવા મળી રહી છે.

બાદમાં નીતૂ કપૂર કહી રહ્યા છે કે, ‘આપણા દેશમાં જ્યારે લગ્ન બાદ પહેલીવાર કોઈને મળીએ છીએ ત્યારે તેને શગુન આપીએ છીએ. તો હું પણ મારા અને ઋષિજી તરફથી નેહાને શગુન આપવા માગુ છું. તને દુનિયાની તમામ ખુશીઓ અને પ્રેમ મળે તેવી મારી દિલથી પ્રાર્થના’. નીતૂ કપૂર તરફથી શગુન મળતાં નેહા કક્કડના ચહેરા પર ખુશી જાેવા મળી રહી છે. આ અંગે વાત કરતાં નેહા કક્કડે કહ્યું કે, હું મુગ્ધ થઈ ગયું છે.

નીતૂ કપૂર તરફથી આશીર્વાદ મળતા તે ખૂબ મોટી વાત છે. અત્યારસુધીના જીવનમાં મારી સાથે બનેલી આ શ્રેષ્ઠ યાદ છે. જેને હું આજીવન મારી સાથે રાખીશ’. તો નીતૂ કપૂરે કહ્યું કે, ‘નેહા માત્ર સિંગર જ નહીં પરંતુ વ્યક્તિ તરીકે પણ સારી છે. તે મારા માટે દીકરી જેવી છે અને મારા આશીર્વાદ તે જ્યાં જશે ત્યાં હંમેશા સાથે રહેશે. ઈન્ડિયન આઈડલ ૧૨નો અપકમિંગ એપિસોડ ધમાકેદાર પર્ફોર્મન્સથી ભરપૂર રહેવાનો છે.

શોના કન્ટેસ્ટન્ટ્‌સ તેમના સૂરીલા અવાજથી દર્શકોને જકડી રાખે છે. બીજી તરફ નીતૂ કપૂરની વાત કરીએ તો, તેઓ લાંબા સમય બાદ સિલ્વર સ્ક્રીન પર કમબેક કરવા જઈ રહ્યા છે. તેઓ ફિલ્મ ‘જુગ જુગ જીયો’માં જાેવા મળવાના છે. જેમા તેમની સાથે અનિલ કપૂર, વરુણ ધવન, કિયારા અડવાણી અને પ્રજાક્તા કોલી પણ મહત્વના રોલમાં છે.

Copyright © All rights reserved. | Developed by Aneri Developers