ઉદિત નારાયણે અમિત કુમાર પર સવાલ ઉઠાવ્યા
મુંબઈ: છેલ્લા કેટલાક દિવસોથી સિંગિંગ રિયાલિટી શો ઈન્ડિયન આઈડલ ૧૨ ઘણા વિવાદોમાં રહ્યો છે. આ શોના કિશોર કુમાર સ્પેશિયસલ એપિસોડમાં તેમના દીકરા અમિત કુમાર મહેમાન બનીને આવ્યા હતા. એપિસોડ ઓન-એર થયા બાદ તેમણે આરોપ લગાવ્યો હતો કે, મેકર્સે તેમને કન્ટેસ્ટન્ટ્સના વખાણ કરવાનું કહ્યું હતું. બાદમાં શોના હોસ્ટ આદિત્ય નારાયણે લેટેસ્ટ એપિસોડમાં મહેમાન બનેલા કુમાર સાનુને સવાલ પૂછીને અમિત કુમારની મજાક ઉડાવી હતી.
આ મુદ્દા પર સિંગર અને આદિત્યના પિતા ઉદિત નારાયણની પ્રતિક્રિયા સામે આવી છે. ઉદિત નારાયણે કહ્યું કે, હંમેશા નવા ટેલેન્ટની નિંદા કરવી તે ઠીક વાત નથી. તેમણે કહ્યું કે, આદિત્યમાં હજુ પણ બાળપણ છે અને તે બીજાની જેમ શાંત બેસી રહે તેવો નથી. જાે કે, આ સાથે તેમણે તેમ પણ કહ્યું કે, આ વિવાદનો પૂરેપૂરો દોષ આદિત્યને ન આપવો જાેઈએ. તેમણે જણાવ્યું કે, આદિત્યમાં હજી પણ બાળપણ છે અને તે ઘણો ઈમોશનલ પણ છે. આ વિવાદમાં અન્ય કોઈએ કંઈ પણ ન કહ્યું અને બધુ આદિત્યની ઉપર આવી ગયું. આદિત્ય તો માત્ર એંકરિંગ કરી રહ્યો છે, તેવામાં બધો દોષ તેના પર ઢોળવો ઠીક નથી. ઉદિત નારાયણે વધુમાં કહ્યું કે, આદિત્ય મારી સાથે આ વિશે વાત કરવા આવ્યો હતો.
પરંતુ મેં તેને કોઈ જવાબ આપ્યો નહીં કારણ કે મારા મનમાં તે વાત ચાલી રહી હતી કે, આ જે પ્લેટફોર્મ છે ત્યાં મુખ્ય લોકોએ આવીને વાત કરવી જાેઈતી હતી. એન્કરને કેમ સામે લાવીને રાખી દીધો? આમાં બધાએ આદિત્યને સાથ આપવો જાેઈતો હતો. હું એટલા માટે તેને અત્યારે કંઈ કહી રહ્યો નથી કારણ કે, પહેલાથી લોકો તેના પર તૂટી પડ્યા છે અને મારા કહેવા પર તે ક્યાંક ડિપ્રેશનમાં ન આવી જાય. જાે કે, જ્યારે વિવાદ ખતમ થઈ જશે ત્યારે હું તેને કહીશ કે બધા લોકોએ પોતાનો બચાવ કરી લીધો
પરંતુ તું કેમ ફસાઈ ગયો?. અમિત કુમારના નિવેદન પર ઉદિત નારાયણે કહ્યું કે, ‘મેં અમિત કુમારવાળો એપિસોડ જાેયો હતો અને મને તેમા તેઓ એન્જાેય કરતા જાેવા મળ્યા હતા. જ્યારે તમે શો પર આવવા માટે તૈયાર થઈ ગયા હતા તો બાદમાં તમારે આવી વાત ન કહેવી જાેઈએ. જાે હવે મેં આ વાત કહી દીધી છે તો ક્યાંક મને પણ આદિત્યની જેમ તેમાં ખેંચી લેવામાં ન આવે’. ઉદિતે તેમ પણ કહ્યું કે, તેઓ અમિત કુમારને સારી રીતે ઓળખે છે અને ભાઈની જેમ માને છે. તેમણે કહ્યું કે, તેઓ આ મુદ્દા પર અમિત કુમાર સાથે પણ વાત કરશે.
