Western Times News

Latest News from Gujarat India

બિહારનું રાજકારણ ગરમાયું, માંઝી અને તેજપ્રતાપ વચ્ચે બંધબારણે બેઠક

પટણા: શું બિહારના રાજકારણમાં મોટો બદલાવ આવી શકે છે? આ પ્રશ્ન એ માટે ઊઠી રહ્યો છે, કેમકે ઇત્નડ્ઢ સુપ્રીમો લાલુ પ્રસાદ યાદવના જન્મદિવસ પર મોટો રાજકીય ઘટનાક્રમ સામે આવ્યો રાજદ ચીફના મોટા દીકરા અને પાર્ટીના ધારાસભ્ય તેજપ્રતાપ યાદવ શુક્રવારના પૂર્વ મુખ્યમંત્રી જીતનરામ માંઝીથી મળવા તેમના નિવાસસ્થાન પર પહોંચ્યા. કહેવામાં આવી રહ્યું છે કે તેમની આ મુલાકાત એક બંધ રૂમમાં જ થઈ છે, ત્યારબાદ ચર્ચા શરૂ થઈ ગઈ કે આખરે તેમની આ મુલાકાતનું કારણ શું હોઈ શકે છે?

તેજપ્રતાપની જીતનરામ માંઝી સાથે મુલાકાત કયા મુદ્દાને લઇને થઈ રહી છે તે અત્યારે સ્પષ્ટ નથી થઈ શક્યું. અત્યારે હિન્દુસ્તાની અવામ મોરચાના પ્રમુખ માંઝીના નિવાસસ્થાન પર બંને નેતાઓની મુલાકાત બાદ બંને નેતા આ સંબંધમાં કંઈક પ્રતિક્રિયા આપશે. જાે કે જ્યાં સુધી તેમના તરફથી કોઈ નિવેદન નથી આવતુ ત્યાં સુધી અટકળો ચાલું રહેશે. તો મુલાકાતથી પહેલા પૂર્વ મુખ્યમંત્રી જીતનરામ માંઝીએ શુક્રવારના ટ્‌વીટ કરીને રાજદ અધ્યક્ષ લાલુ પ્રસાદ યાદવને જન્મદિવસના અભિનંદન આપ્યા.

તેમણે પોતાના ટ્‌વીટમાં લખ્યું કે, ‘બિહારના પૂર્વ મુખ્યમંત્રી આદરણીય લાલૂ પ્રસાદજીને તેમના જન્મદિવસની અનંત શુભકામનાઓ. તમે દીર્ઘાયુ રહો, હંમેશા હસતા રહો, ઈશ્વરને આ જ પ્રાર્થના છે.’ આમ પણ જાેવા જઇએ તો ઘાસચારા કૌભાંડ મામલે રાષ્ટ્રીય જનતા દળના સુપ્રીમો લાલુ પ્રસાદ યાદવને જ્યારથી જામીન મળ્યા છે ત્યારબાદ તેઓ સતત એક્ટિવ જાેવા મળી રહ્યા છે. પછી ભલે નીતિશ કુમાર સરકારની ટીકા કરવાની હોય અથવા પછી કોઈ મુદ્દો સોશિયલ મીડિયા દ્વારા સતત સામે રાખવો હોય. એટલું નહીં એ વાતની પણ સતત ચર્ચા થઈ રહી છે કે લાલૂ યાદવ પટના ક્યારે આવી રહ્યા છે.

માનવામાં આવે છે કે તેમના પટના પહોંચ્યા બાદ રાજકારણ ગરમાયું છે. આ પહેલા ૨૮ મેના દિલ્હીમાં આરજેડી સુપ્રીમો સાથે પાર્ટીના બે ધારાસભ્યોએ જઇને મુલાકાત કરી હતી. આમાં ગાયઘાટના ધારાસભ્ય નિરંજન રાય અને મુઝફ્ફરપુર જિલ્લાની કાંટી વિધાનસભાથી મોહમ્મદ ઇસરાઇલ મંસૂરી હતા.

તેમની મુલાકાતની તસવીરો પણ સામે આવી, જેમાં લાલુ યાદવ માસ્ક વગર જાેવા મળ્યા હતા. એ મુલાકાતના એક દિવસ બાદ પૂર્વ સીએમ અને હમ પાર્ટીના ચીફ જીતનરામ માંઝી અને વિકાસશીલ ઇન્સાન પાર્ટીના અધ્યક્ષ મુકેશ સહનીની મુલાકાત થઈ. બંને નેતાઓના મળ્યાની તસવીરો સામે આવ્યા બાદ રાજ્યની રાજનીતોનો પારો ઊંચો જવા લાગ્યો છે. પ્રશ્ન થઈ રહ્યો છે આખરે માંઝી-સહની શું ખીચડી રાંધી રહ્યા છે?

Copyright © All rights reserved. | Developed by Aneri Developers