Western Times News

Latest News from Gujarat India

લીબિયામાં બોટ પલટી જતાં ૨૦ મહિલાઓ, ૨ બાળકો સહિત ૫૭ લોકોનાં મોત થયાં

નવીદિલ્હી: લીબિયાનાં ખામ્સ નજીક દરિયામાં બોટ તૂટી પડ્યા બાદ ઓછામાં ઓછા ૫૭ લોકો ડૂબી ગયા હોવાના સમાચાર મળી રહ્યા છે. આંતરરાષ્ટ્રીય પ્રવાસી સંગઠન પ્રવક્તા સફા મસેહલીએ ટિ્‌વટર પર આ માહિતી આપી હતી. મૃતકોમાં ૨૦ મહિલાઓ અને બે બાળકો પણ છે. લીબિયાનાં કોસ્ટગાર્ડ અને માછીમારોએ ૧૮ લોકોને બચાવ્યા છે.

આફ્રિકન પ્રવાસીઓને લઇને જઇ રહેલી બોટ લીબિયાનાં દરિયાકાંઠે પલટી મારી દીધી હતી. આ દુર્ઘટનામાં ઓછામાં ઓછા ૫૭ લોકોનાં મોત થયાની આશંકા છે.પ્રવક્તા સફા મહેસલીએ જણાવ્યુ કે, બોટ રવિવારે પશ્ચિમ કાંઠાનાં શહેર ખામ્સથી નીકળી હતી.

બોટમાં મહિલાઓ અને બાળકો સહિત ઓછામાં ઓછા ૭૫ લોકો સવાર હતા. આ બોટનાં પલટી માર્યા બાદ ડૂબી ગયેલા ૫૭ લોકોમાં ૨૦ મહિલાઓ જ્યારે બે બાળકોનો સમાવેશ થાય છે. લીબિયાનાં કોસ્ટ ગાર્ડ્‌સ અને માછીમારોએ ૧૮ લોકોને બચાવ્યા છે. આ ૧૮ લોકોએ કહ્યું કે, એન્જિનની નિષ્ફળતાને કારણે બોટ બંધ થઈ ગઈ હતી અને ખરાબ હવામાનનાં કારણે તે પલટી મારી ગઇ હતી.

આ લોકો નાઇજીરીયા, ઘાના અને ગાંબિયાનાં છે. યુએનની ઇમિગ્રેશન એજન્સીએ જણાવ્યું હતું કે, એક અઠવાડિયાથી ઓછા સમયમાં લિબિયાનાં કાંઠે બોટની પલટી મારવાની આ બીજી ઘટના છે. બુધવારે યુરોપ માટે ફરવા જઈ રહેલી એક બોટ પલટી ખાઇ ગઇ હતી, જેમા ઓછામાં ઓછા ૨૦ પ્રવાસીઓનાં ડૂબી જવાના કારણે મોત થયા છે.

તાજેતરનાં મહિનાઓમાં, લીબિયાથી પ્રવાસ કરનારાઓની ઘૂસણખોરીનાં પ્રયાસોનાં મોટા પ્રમાણમાં કેસ નોંધાયા છે. એમ્નેસ્ટી ઇન્ટરનેશનલે કહ્યું છે કે, આ વર્ષનાં પ્રથમ છ મહિનામાં દરિયામાં પકડાયેલા ૭,૦૦૦ થી વધુ લોકોને બળજબરીથી લીબિયામાં અટકાયત શિબિરમાં પરત મોકલી દેવામાં આવ્યા છે. આફ્રિકા અને મધ્ય પૂર્વમાં યુદ્ધ અને ગરીબીથી ભાગી રહેલા પરપ્રાંતિયો માટે લીબિયા તાજેતરનાં વર્ષોમાં મુખ્ય પરિવહન બિંદુ તરીકે ઉભરી આવ્યું છે.

તેલ અને પેટ્રોલિયમ સંપત્તિથી સમૃદ્ધ દેશ, નાટો સમર્થિત બળવા પછીથી અરાજકતાનો સામનો કરી રહ્યો છે. આ બળવો અને અરાજકતાને લીધે ૨૦૧૧ માં લાંબા સમયનાં સ્વતંત્ર લોકશાહી નેતા મુઅમ્મર ગદ્દાફીનું મોત નીપજ્યું હતું. પ્રવાસીઓ અને શરણાર્થીઓ માટે કાર્યરત યુએન એજન્સીઓનાં અધિકાર જૂથો અને અધિકારીઓએ લીબિયાની અટકાયત શિબિરોમાં થતી સતામણીને લઇને લાંબા સમયથી ચેતવણી આપી છે.

Copyright © All rights reserved. | Developed by Aneri Developers