સૌરાષ્ટ્ર અને દક્ષિણ ગુજરાતમાં વરસાદ થવાની આગાહી
Files Photo
૧૭-૧૮ ઓગસ્ટ દરમિયાન અમદાવાદ સહિત દાહોદ, પંચમહાલ, ખેડા, આણંદમાં વરસાદ પડવાની સંભાવના
અમદાવાદ, અમદાવાદ સહિત ગુજરાતમાં પાછલા બે અઠવાડિયાથી વરસાદ અટક્યો છે. આવામાં ફરી એકવાર વરસાદની આતુરતાથી રાહ જાેવાઈ રહી છે. જેમાં દક્ષિણ ગુજરાત સહિત સૌરાષ્ટ્ર તથા મધ્ય ગુજરાતમાં વરસાદ થવાની આગાહી વ્યક્ત કરાઈ રહી છે.
આ અઠવાડિયા દરમિયાન સુરત, નવસારી, વલસાડ, તાપી, ડાંગમાં અઠવાડિયા દરમિયાન હળવા વરસાદની આગાહી થઈ છે. જ્યારે અમદાવાદમાં અઠવાડિયાની મધ્ય તથા અંતમાં વરસાદ થઈ શકે છે. હવામાન વિભાગે કરેલી આગાહી પ્રમાણે આજે તથા આવતીકાલે રાજ્યના દક્ષિણ ભાગમાં વરસાદ થવાની આગાહી છે.
જેમાં નર્મદા, સુરત, તાપી, વલસાડ, ડાંગ, નવસારી અને દમણ, દાદરા અને નગર હવેલીમાં હળવો વરસાદ થશે. તારીખ ૧૭ અને ૧૮ ઓગસ્ટ દરમિયાન અમદાવાદ સહિત દાહોદ, પંચમહાલ, ખેડા, આણંદમાં વરસાદ થવાની આગાહી છે. આ સિવાય સૌરાષ્ટ્રના ભાવનગર, અમરેલી, ગીર સોમનાથ અને દીવમાં પણ વરસાદી માહોલ રહેવાની આગાહી કરવામાં આવી છે.
આ પછી ૧૮ અને ૧૯ ઓગસ્ટના દિવસે ઉત્તર ગુજરાતના દાહોદ, પંચમહાલ, મહિસાગર અને અરવલ્લીમાં વરસાદ રહેશે, આ તારીખ દરમિયાન સૌરાષ્ટ્રના ભાવનગર, અમરેલી, ગીર સોમનાથ, રાજકોટ અને દીવમાં પણ વરસાદ થવાની સંભાવના હવામાન વિભાગ દ્વારા વ્યક્ત કરાઈ છે.
આ પછીના એક દિવસ પણ રાજ્યના ઉત્તર તથા સૌરાષ્ટ્રના ભાગોમાં વરસાદ થશે તેવી આગાહી કરવામાં આવી છે. પાછલા અઠવાડિયામાં વરસાદી માહોલ જામ્યો હતો અને વાદળ છાયું વાતાવરણ પણ બન્યું હતું પરંતુ વરસાદ નહોતો થયો. વરસાદ ખેંચાવાના કારણે ખેડૂતો પણ ચિંતિત બન્યા છે અને વરસાદની કાગડોળે રાહ જાેઈને બેઠા છે.
ઓગસ્ટ મહિનાની શરુઆત થતા ઉનાળાનો આકરો તાપ ઘટ્યો છે, પરંતુ વરસાદ ખેંચાતા હજુ પણ ગરમીનો અહેસાસ થઈ રહ્યો છે. આવામાં વરસાદની રાહ જાેવાઈ રહી છે.
