તાલિબાનો યુએસ શસ્ત્રોનો જથ્થો પાકિસ્તાનને મોકલે છે
કાબૂલ, અફઘાનિસ્તાન સાથે મળીને તાલિબાનો સામે વર્ષો સુધી યુદ્ધ કરનારા અમેરિકાએ અફઘાનિસ્તાન સુરક્ષા દળોને અત્યાધુનિક હથિયારોથી સજ્જ કરી હતી. જે હવે તાલિબાનીઓના હાથે લાગી ગયા છે. તાલિબાન આ અમેરિકન હથિયારોનો બહોળો જથ્થો હવે પાકિસ્તાન મોકલી રહ્યું છે. જે હવે ભારત માટે ખતરાની ઘંટી સમાન ગણી શકાય એમ છે.
ભારતીય સેનાના ઉચ્ચ અધિકારીઓનું માનવું છે કે લુંટવામાં આવેલા અમેરિકન હથિયારો ભારત સામે આવે એ પહેલા પાકિસ્તાનનો વિનાશ કરી નાંખશે. તેમનું કહેવુ છે કે, પાકિસ્તાનના છાવરેલા આતંકી સંગઠનો આ હથિયારોનો ઉપયોગ પહેલા પાકિસ્તાનમાં જ કરશે અને એ પછી ભારત તરફ આગળ વધી શકે છે. સેનાના ઉચ્ચ અધિકારીઓએ આશંકા વ્યક્ત કરી છે કે, આ હથિયારનો જથ્થો ભારતમાં સક્રિય આતંકવાદી સમૂહો સુધી પહોંચાડવાના પૂરેપુરા પ્રયત્ન કરવામાં આવશે, પરંતુ સુરક્ષા દળો આ માટે તૈયાર છે. અધિકારીઓનું કહેવુ છે કે, એવા અહેવાલ સામે આવી રહ્યા છે કે અમેરિકાના અત્યાધુનિક હથિયારો, ખાસ કરીને નાના હથિયારોનો જથ્થો પાકિસ્તાન મોકલવામાં આવી રહ્યો છે.
પરંતુ તાલિબાન દ્વારા અફઘાનિસ્તાન પર કબજાે મેળવી લેતાં પાકિસ્તાની આતંકીઓ જેટલા ઉત્સાહિત છે, આ હથિયારોનો ઉપયોગ પાકિસ્તાનમાં જ આતંક ફેલાવવા માટે કરે એવી આશંકા છે. એક રિપોર્ટ અનુસાર અમેરિકાએ અફઘાની સેનાને ૬.૫ લાખ નાના હથિયારો આપ્યા છે, જેમાં એમ-૧૬ અને એમ-૪ અસોલ્ટ રાઇફલ્સ પણ સામેલ છે. તાલિબાને અફઘાનમાંથી મોટા પ્રમાણમાં સંચાર યંત્રો પણ લુંટ્યા છે. આ સાથે બુલેટપ્રુફ હથિયાર, નાઇટ ગ્લાસિસ અને સ્નિપર રાઇફલ્સ પણ તાલિબાની આતંકીઓના હાથ લાગી ગયા છે.
આ મુદ્દે આશંકા વ્યક્ત કરવામાં આવી રહી છે કે આ હથિયારો તાલિબાન થકી આઈએસઆઈને મળી શકે છે જે ભારતમાં આતંકી સંગઠનોનું સંચાલન કરી રહ્યું છે. નોંધનીય છે કે, અફઘાનિસ્તાન પર તાલિબાની આતંકીઓના કબજાથી ભારત પર આતંકી જાેખમ વધવાની આશંકા પહેલેથી જ વ્યક્ત કરવામાં આવી હતી. આ અંગે અધિકારીઓનું કહેવુ છે કે ભારતીય સેનાના મોટાભાગના ઉચ્ચ અધિકારીઓ ૧૯૯૦ના દાયકામાં આતંકી સામે સંઘર્ષ કરી ચૂક્યા છે. આ સિવાય સરહદો પર ભારતીય સુરક્ષા દળો આતંકીઓનો સામનો કરી એમનો ખાતમો કરવા માટે સક્ષમ છે. આતંકીઓ પાસે અત્યાધુનિક હથિયારો આવી જાય તો પણ ભારતીય સેના તેમનો સામનો કરી શકશે.SSS
