પઠાણના એક ગીતના શૂટિંગ માટે આખી ટીમ સ્પેન જશે
મુંબઈ, બોલિવૂડના કિંગ ખાન તરીકે ઓળખાતા શાહરુખ ખાનની અપકમિંગ ફિલ્મ પઠાણની ફેન્સ આતુરતાથી રાહ જાેઈ રહ્યા છે. ફિલ્મના પ્રોડ્યુસર આદિત્ય ચોપરા છે અને ફિલ્મના ડિરેક્ટર સિદ્ધાર્થ આનંદ છે. ફિલ્મમાં શાહરુખ ખાનની સાથે દીપિકા પાદુકોણ પણ જાેવા મળશે. માટે શાહરુખની સાથે સાથે દીપિકા પાદુકોણના ફેન્સ પણ ફિલ્મની રાહ જાેઈ રહ્યા છે.
ઉલ્લેખનીય છે કે આદિત્ય ચોપરા અને સિદ્ધાર્થ આનંદની જાેડીએ ફિલ્મ વૉરમાં લોકોને શાનદાર વિઝ્યુઅલ ટ્રીટ આપી હતી. અને હવે કહેવામાં આવી રહ્યું છે કે, ફિલ્મ પઠાણમાં પણ આ જાેડી નવો બેન્ચમાર્ક સેટ કરવા જઈ રહી છે. રિપોર્ટ્સ અનુસાર, ફિલ્મના સ્ટાર્સ શાહરુખ ખાન અને દીપિકા પાદુકોણ માટે યૂરોપના સૌથી મોંઘા અને બેસ્ટ ટ્રાવેલ ડેસ્ટિનેશન્સમાંથી એક મલ્લોર્કામાં એક ધમાકેદાર ગીતના શૂટિંગ માટે સ્ટેજ તૈયાર છે. એક સૂત્રએ જણાવ્યું કે, પઠાણમાં એવા દ્રશ્યો દર્શાવવામાં આવશે જેને જાેઈને દર્શકો ખુશ થઈ જશે.
દર્શકો માટે આ એક વિઝ્યુઅલ ટ્રીટ હશે. સિદ્ધાર્થ અને વાઈઆરએફ આ મહત્વાકાંક્ષી લક્ષ્યને સિદ્ધ કરવા માટે કોઈ કસર બાકી રાખવા નથી માંગતા. સૂત્રના જણાવ્યા અનુસાર, પઠાણની ટીમ સ્પેન જવા માટે રવાના થવાની તૈયારી કરી રહી છે. અહીં મલ્લોર્કા, કૈડિઝ અને વેઝેર ડી લા ફ્રોંટેરા જેવા ભવ્ય ડેસ્ટિનેશન્સ પર શૂટિંગ કરવામાં આવશે. આ સ્થળોની ગણતરી યૂરોપના સૌથી સુંદર શહેરોમાં થાય છે.
ટીમ ૧૦ ઓક્ટોબરથી ૩૧ ઓક્ટોબર સુધી સ્પેનમાં રહેશે. અત્યાર સુધી કોઈ પણ બોલિવૂડ ફિલ્મ માટે આ સ્થળો પર શૂટિંગ કરવામાં નથી આવ્યું. દર્શકોને પણ અલગ દ્રશ્યો જાેવા મળશે. આનાથી ફિલ્મમાં ભવ્યતા અને લેવિશનેસનો તડકો લાગશે. રિપોર્ટ્સ અનુસાર, આટલા બિગ બજેટ ગીતમાં શાહરુખ અને દીપિકાને અત્યંત અલગ અવતારમાં દર્શાવવામાં આવશે. હવે આ ફિલ્મની વાર્તા કેવી હશે, ગીતો કેવા હશે, પર્ફોમન્સ કેવા હશે તે તો સમયની સાથે જ જાણવા મળશે પરંતુ ચોક્કસપણે કિંગ ખાનના ફેન્સ ફિલ્મની અત્યંત આતુરતાથી રાહ જાેઈ રહ્યા છે.SSS
