રનર-અપ બનીશ તેવું મેં વિચાર્યુ નહોતુંઃ સંચિત
મુંબઈ, ૯ ઓક્ટોબર, શનિવારના રોજ સુપર ડાન્સર ચેપ્ટર ૪નું ફિનાલે યોજાયું હતું. જેમાં ફ્લોરિના ગોગોઈ વિનર જાહેર થઈ હતી અને તેને ૧૫ લાખ રૂપિયાનો ચેક આપવામાં આવ્યો હતો. જ્યારે પૃથ્વીરાજ ફર્સ્ટ રનર-અપ તો સંચિત ચનાના સેકન્ડ રનર-અપ બન્યો હતો.
શોની શરૂઆત થઈ ત્યારથી અંત સુધી સંચિત ચનાનાએ સુપર ગુરુ વર્તિકા ઝા સાથે મળીને એકથી એક ચડિયાતા અને ધમાકેદાર પર્ફોર્મન્સ આપ્યા હતા. સંચિતના ફેન્સ અને શોના મોટાભાગના દર્શકોને તે જ વિનર બનશે તેવી આશા હતી, જાે કે તેમ થયું નહીં.
સંચિતના ન જીતવા પર ફેન્સ તો દુઃખી છે પરંતુ હાર-જીત પર તે શું છે માને એ વધારે જરૂરી છે. ફિનાલે ખતમ થયા બાદ આપેલા એક ઈન્ટરવ્યૂમાં સંચિત ચનાનાએ કહ્યું હતું કે ‘મને એવું નથી લાગતું કે મારે જીતવું જાેઈતું હતું. કારણ કે, જે લખેલું હતું એ જ થવાનું હતું.
પરંતુ મને સારું એટલા માટે લાગી રહ્યું છે, કેમ કે સુપર ડાન્સર ૩માં આવ્યો ત્યારે રિજેક્ટ થયો હતો અને પછી મેં સખત મહેનત કરી હતી. સુપર ડાન્સર ૪માં આવ્યા બાદ હું ફિનાલે સુધી પહોંચીશ અને સેકન્ડ રનર-અપ બનીશ તેવું મેં વિચાર્યું નહોતું. તેથી, મારા માટે આ ગર્વની વાત છે અને ખુશીની વાત છે.
સંચિત ચનાનાની પિતા તેને સપોર્ટ કરવા માટે હંમેશા સેટ પર હાજર રહેતા હતા, ત્યારે સંચિતે તેને મળેલી સફળતાનો શ્રેય પિતાને આપ્યો હતો અને કહ્યું હતું અહીયા સુધી પહોંચ્યો તેમા મારા પિતાની પણ ઘણી મહેનત છે, હું સેકન્ડ રનર-અપ બન્યો તેની તેમને પણ ખુશી છે.
આ સિવાય તેણે કહ્યું હતું કે હું ઘરે જઈને થોડા દિવસ આરામ કરીશ અને પછી ફરીથી ડાન્સ પ્રેક્ટિસ ચાલુ કરીશ. કારણ કે, સાચી જર્ની શો દરમિયાન નહીં પરંતુ શો ખતમ થયા બાદ થાય છે’. જણાવી દઈએ કે, સંચિત ચનાના ૩ વર્ષનો હતો ત્યારથી ડાન્સ શીખવાનું શરૂ કરી દીધું હતું.SSS
