Western Times News

Latest News from Gujarat

ધનતેરસ પર રોકાણકારોના ધનનું મોટું ધોવાણ થયું

મુંબઈ, બીએસઈનો ૩૦ શેરવાળો સેન્સેક્સ ૧૦૯.૪૦ પોઈન્ટ અથવા ૦.૧૮ ટકા ઘટીને ૬૦,૦૨૯.૦૬ પોઈન્ટ પર બંધ થયો હતો. એ જ રીતે નેશનલ સ્ટોક એક્સચેન્જનો નિફ્ટી ૧૭,૯૦૦ પોઈન્ટથી ૪૦.૭૦ પોઈન્ટ્‌સ અથવા ૦.૨૩ ટકાના ઘટાડા સાથે ૧૭,૮૮૮.૯૫ પર બંધ રહ્યો હતો.

રિલાયન્સ ઈન્ડસ્ટ્રીઝ, ટાટા સ્ટીલ અને આઈસીઆઈસીઆઈ બેંક જેવી મોટી કંપનીઓના શેરમાં ઘટાડાને કારણે મંગળવારે સેન્સેક્સ ૧૦૯ પોઈન્ટ તૂટ્યો હતો. વૈશ્વિક બજારોમાં નબળા વલણે પણ અહીં સેન્ટિમેન્ટને અસર કરી હતી.

સેન્સેક્સ કંપનીઓમાં ટાટા સ્ટીલના શેરમાં સૌથી વધુ ઘટાડો નોંધાયો હતો અને તે લગભગ ત્રણ ટકા તૂટ્યો હતો. ઈન્ડસઈન્ડ બેંક, ટેક મહિન્દ્રા, એચસીએલ ટેક અને રિલાયન્સ ઈન્ડસ્ટ્રીઝ પણ ખોટમાં છે. બીજી તરફ મારુતિ, એનટીપીસી, ટાઇટન, એસબીઆઈ અને એલએન્ડટી લાભ મેળવનારા શેરોમાં હતા.

જિયોજિત ફાઇનાન્શિયલ સર્વિસિસના રિસર્ચ હેડ વિનોદ નાયરના જણાવ્યા અનુસાર, વૈશ્વિક બજારોમાં મંદીને કારણે સ્થાનિક બજારો પણ તેમની ગતિ જાળવી શક્યા ન હતા અને દિવસના ટ્રેડિંગ દરમિયાન ઉપર અને નીચે જતા રહ્યા હતા.

વૈશ્વિક બજારોમાં પણ નબળા વલણ હતા. દરમિયાન, આંતરરાષ્ટ્રીય બેન્ચમાર્ક બ્રેન્ટ ક્રૂડ ૦.૦૨ ટકા વધીને ૮૪.૭૩ ડોલર પ્રતિ બેરલ પર ટ્રેડ કરી રહ્યું હતું. અન્ય એશિયન બજારોમાં ચીનનો શાંઘાઈ કમ્પોઝિટ, હોંગકોંગનો હેંગસેંગ અને જાપાનનો નિક્કી ઘટ્યો હતો.

બીજી તરફ દક્ષિણ કોરિયાનો કોસ્પી નફામાં રહ્યો હતો. યુરોપિયન બજારો બપોરના વેપારમાં લાભ સાથે ટ્રેડ થઈ રહ્યા હતા. આ સપ્તાહે યોજાનારી યુએસ ફેડરલ રિઝર્વ અને અન્ય સેન્ટ્રલ બેંકોની બેઠક પહેલા મંગળવારે શરૂઆતના વેપારમાં યુએસ ડોલર સામે રૂપિયો આઠ પૈસા સુધરીને ૭૪.૭૯ થયો હતો. ઇન્ટરબેંક ફોરેન એક્સચેન્જ માર્કેટમાં ડોલર સામે રૂપિયો મજબૂત રીતે ૭૪.૮૩ પર ખુલ્યો હતો અને શરૂઆતના સોદામાં વધીને ૭૪.૭૯ થયો હતો.SSS

Copyright © All rights reserved. | Developed by Aneri Developers