પશ્ચિમ બંગાળમાં બીજેપીને ઝટકો,અભિનેત્રી સરબંતી ચેટર્જી ટીએમસીમાં સામેલ થયા
કોલકતા, પશ્ચિમ બંગાળમાં ભાજપના નેતાઓ પાર્ટી છોડવાની પ્રક્રિયા ચાલુ છે. બંગાળી અભિનેત્રી સરબંતી ચેટર્જીએ ભાજપમાંથી રાજીનામું આપી દીધું છે. સરબંતી ચેટર્જી આ વર્ષે માર્ચમાં વિધાનસભા ચૂંટણી દરમિયાન ભારતીય જનતા પાર્ટીમાં જાેડાયા હતા. આ પછી પાર્ટીએ તેમને બેહાલા વિધાનસભા સીટથી ટિકિટ આપી. જાેકે, તે જીત નોંધાવવામાં નિષ્ફળ રહી હતી. લગભગ આઠ મહિના સુધી ભાજપમાં રહ્યા બાદ તેમણે પાર્ટીમાંથી અલગ થવાની જાહેરાત કરી છે.
સરબંતી ચેટર્જીએ ટિ્વટર પર ભાજપ છોડવાની જાહેરાત કરી છે. તેેણે ટ્વીટ કરીને લખ્યું- મેં ભાજપ સાથે મારા સંબંધો તોડી નાખ્યા છે. મેં રાજ્યની છેલ્લી વિધાનસભા ચૂંટણી ભાજપ તરફથી લડી હતી પરંતુ હવે મેં આ પાર્ટીથી અલગ થઈ ગયો છે. ભાજપમાં બંગાળને આગળ લઈ જવાનો જુસ્સો અને ઈમાનદારીનો અભાવ છે. આવી સ્થિતિમાં મેં ભારતીય જનતા પાર્ટી છોડી દીધી છે.
સરબંતી ચેટર્જી બંગાળી ફિલ્મોનો જાણીતો ચહેરો સરબંતી ચેટર્જી બે દાયકા કરતાં વધુ સમયથી બંગાળી ફિલ્મોમાં કામ કરી રહી છે અને તેની પોતાની એક સારી ઓળખ છે.
તેના નામે ઘણી સુપરહિટ ફિલ્મો છે. તેણે હિન્દી સિરિયલ લવ સ્ટોરી અને લેડીઝ સ્પેશિયલમાં પણ કામ કર્યું છે. તેણે તેના અભિનય માટે ઘણા એવોર્ડ પણ જીત્યા છે. ફિલ્મોની સાથે સરબંતી પોતાની અંગત જિંદગીને લઈને પણ સતત ચર્ચામાં રહે છે. તેણે ત્રણ લગ્ન કર્યા છે અને ત્રણેયના લગ્ન ચાલી શક્યા નથી. આવી સ્થિતિમાં, તે ઘણીવાર મીડિયામાં તેના પતિ સાથેના સંબંધોને લઈને ચર્ચામાં રહે છે.
પશ્ચિમ બંગાળમાં ભાજપના નેતાઓ સતત પાર્ટી છોડી રહ્યા છે પશ્ચિમ બંગાળમાં, આ વર્ષે મે મહિનામાં વિધાનસભા ચૂંટણીના પરિણામો અને ટીએમસીની મોટી જીત બાદ, બીજેપી નેતાઓને છોડવાની પ્રક્રિયા સતત ચાલી રહી છે. માત્ર ચૂંટણી હારેલા નેતાઓ જ નહીં પરંતુ અનેક સાંસદો અને ધારાસભ્યોએ પણ ભાજપ છોડી દીધું છે. તેમાંથી મોટાભાગના ટીએમસીમાં જાેડાયા છે.HS
