સેન્ટ ઝેવિયર્સ હાઈસ્કૂલ વાપીમાં બાળ દિવસ ઉજવણી કરવામાં આવી
(તસ્વીરઃ અશોક જાેષી) (પ્રતિનિધિ) વાપી, બાળપણ જેટલો સુંદર બગીચો કોઈ નથી.” સેન્ટ ઝેવિયર્સ હાઈસ્કૂલ ખાતે બાળ દિવસ આનંદ અને ઉલ્લાસ સાથે ઉજવવામાં આવ્યો હતો. બાળ દિવસ આપણને દેશના પ્રથમ વડાપ્રધાન પંડિત નેહરુના જન્મની યાદ અપાવે છે.
દેશની વિવિધ શૈક્ષણિક સંસ્થાઓમાં આ દિવસની વિવિધ રીતે ઉજવણી કરવામાં આવે છે. આ રીતે બાળકો તેમના પ્રિય ચાચા નહેરુને શ્રદ્ધાંજલિ આપે છે. આ સોમવારે, સેન્ટ ઝેવિયર્સ હાઈસ્કૂલએ પણ બાળ દિવસની ઉજવણી કરી હતી. આ કાર્યક્રમમાં ધોરણ ૧ થી ૧૨ ના વિદ્યાર્થીઓએ ભાગ લીધો હતો.
આ દિવસને વધુ મનોરંજક બનાવવા માટે સેન્ટ ઝેવિયર્સ હાઈ સ્કૂલમાં બાળકો માટે અનેક પ્રકારના કાર્યક્રમનુ આયોજન કરવામાં આવ્યું હતું, જેવા કે ફેંસી ડ્રેસ પ્રતિયોગિતા, ભાષણ પ્રતિયોગિતા, ચિત્રકળા પ્રતિયોગિતા વગેરે. શાળાઓમાં વિદ્યાર્થીઓ
અને શિક્ષકોએ આ વર્ષે કોવિડ-૧૯ રોગચાળાના પ્રતિબંધોને કારણે વર્ચ્યુઅલ રીતે બાળ દિવસની ઉજવણી કરી.સમાચાર વાંચવાથી માંડીને સમગ્ર એસેમ્બલીનું સંચાલન શિક્ષકોએ કર્યું, દિવસનો વિચાર, દિવસનું મહત્વ, પ્રાર્થના, શિક્ષકો સાથે રમતો, ઇન્ટરેક્ટિવ સત્રોનું ઝૂમ પ્લેટફોર્મ પર આયોજન કરવામાં આવ્યું હતું.
મોન્ટેસોરીથી ૧૨મા ધોરણ સુધીના વિદ્યાર્થીઓએ પ્રોગ્રામમાં ભાગ લીધો હતો અને તેઓએ વિવિધ પ્રવૃત્તિઓનો આનંદ માણ્યો હતો. બધા બાળકો અનન્ય અને વિશિષ્ટ છે, તેઓ તેમની દેવદૂત આંખો અને નિર્દોષ સ્મિતથી આપણું હૃદય જીતી લે છે. એકંદરે, તે આનંદ અને ઉલ્લાસથી ભરેલો દિવસ હતો.
