Western Times News

Latest News from Gujarat India

ભારત, અમેરિકા અને ચીન રિઝર્વમાં રાખેલું ક્રૂડ ઓઈલ રિલીઝ કરશે

નવીદિલ્હી, દેશમાં તેલની કિંમતોને અંકુશમાં લેવા અને ભાવ ઘટાડવાના ઈરાદા સાથે કેન્દ્ર સરકાર તેના રિઝર્વમાં રાખેલા ભંડારમાંથી ૫૦ લાખ બેરલ ક્રૂડ ઓઈલ છોડશે. આંતરરાષ્ટ્રીય બજારમાં ક્રૂડ ઓઈલની કિંમતોને નીચે લાવવા માટે અમેરિકા, ચીન અને જાપાન સહિત ઘણા મોટા અર્થતંત્રના દેશો સમાન પગલાં લઈ રહ્યા છે.

આ પહેલીવાર છે જ્યારે ભારત બજારમાં તેના સુરક્ષિત અને વ્યૂહાત્મક તેલ ભંડારમાંથી ક્રૂડ ઓઈલ રિલીઝ કરશે. તેલ ઉત્પાદક દેશોનું સંગઠન ‘ઓપેક’ ઉત્પાદન વધારીને ભાવ ઘટાડવા તૈયાર ન હોવાથી ભારત સહિત વિશ્વના સૌથી મોટા અર્થતંત્રના દેશોએ આ પદ્ધતિ અપનાવી છે.

ભારતના પૂર્વ અને પશ્ચિમ કિનારે ક્રૂડ ઓઈલનો ભૂગર્ભ ભંડાર છે. તેમાંથી ૫૩.૩૦ લાખ ટન અથવા લગભગ ૩૮૦ લાખ બેરલ ક્રૂડ ઓઈલને ઈમરજન્સી અને વ્યૂહાત્મક દૃષ્ટિકોણથી સુરક્ષિત રાખવામાં આવ્યા છે. સરકારે મંગળવારે જણાવ્યું હતું કે લગભગ ૫ મિલિયન બેરલ ક્રૂડ ઓઇલ રિફાઇનરીઓને બજારમાં વેચવા માટે છોડવામાં આવશે.એ જ રીતે અમેરિકા પણ તેના વ્યૂહાત્મક પેટ્રોલિયમ ભંડારમાંથી ૫ મિલિયન બેરલ ક્રૂડ ઓઈલ છોડશે. આ તેના દૈનિક તેલના વપરાશના બરાબર હશે. યુએસમાં દરરોજ ૪૮૦ મિલિયન બેરલ તેલનો વપરાશ થાય છે.

કેન્દ્ર સરકાર દ્વારા જારી કરવામાં આવેલા નિવેદનમાં કહેવામાં આવ્યું છે કે ભારત દ્રઢપણે માને છે કે લિક્વિડ હાઈડ્રોકાર્બનની કિંમતો વાજબી, જવાબદાર અને બજાર દળો દ્વારા નિર્ધારિત હોવી જાેઈએ. ભારત હંમેશાથી ચિંતિત રહ્યું છે કે તેલ ઉત્પાદક દેશો દ્વારા કિંમતો કૃત્રિમ રીતે નક્કી કરવામાં આવી રહી છે. તેને માંગ સાથે કોઈ લેવાદેવા નથી. જેના કારણે તેલના ભાવમાં સતત વધારો થઈ રહ્યો છે. જેની અન્ય દેશો પર ગંભીર અસર પડી રહી છે.

જાે કે કેન્દ્ર સરકારે સ્પષ્ટ કર્યું ન હતું કે રિઝર્વ રિઝર્વમાંથી ૫ મિલિયન બેરલ ક્રૂડ ઓઈલ ક્યારે છોડવામાં આવશે, પરંતુ આ ઘટનાક્રમથી પરિચિત એક અધિકારીએ જણાવ્યું હતું કે તે આગામી સાતથી ૧૦ દિવસમાં રિલીઝ કરવામાં આવશે. આ તેલ મેંગ્લોર રિફાઈનરી, હિન્દુસ્તાન પેટ્રોલિયમ કોર્પોરેશનને છોડવામાં આવશે. આ બંને રિફાઇનરીઓ વ્યૂહાત્મક અનામતની પાઇપલાઇન દ્વારા જાેડાયેલ છે.

યુએસએ ગયા અઠવાડિયે ભારત, ચીન અને જાપાન સહિત વિશ્વના કેટલાક સૌથી મોટા તેલ-વપરાશકર્તા દેશોને તેમના ક્રૂડના ભંડારમાંથી તેલ છોડવા માટે અસામાન્ય અપીલ કરી હતી જેથી વિશ્વ બજારમાં કિંમતો ઓછી કરવામાં મદદ મળી શકે. સંકલિત પ્રયાસો કરી શકાય. આંતરરાષ્ટ્રીય બજારમાં કાચા તેલની કિંમત હાલમાં પ્રતિ બેરલ ૭૮ ડોલર છે.HS

Copyright © All rights reserved. | Developed by Aneri Developers