સલમાન ખાને તેરે નામ ગુસ્સામાં સાઈન કરી હતી
મુંબઈ, સલમાન ખાન હોલ પોતાની ફિલ્મ અંતિમઃ ધ ફાઈનલ ટ્રૂથને લઈને ચર્ચામાં રહી રહ્યો છે. તેની આ ફિલ્મ આ શુક્રવારે એટલે કે ૨૬ નવેમ્બરે રિલીઝ થવા જઈ રહી છે. સલમાન ખાન આ ફિલ્મના પ્રમોશન માટે સિંગીગ રિયાલટી શો સા રે ગા મા પાના સેટ પર પહોંચ્યો હતો.
સેટ પર પહોચીને સલમાન ખાને પૂરી ટીમ સાથે કન્ટેસ્ટન્ટના પરફોર્મન્સને એન્જાેય કર્યુ હતુ. આ સિવાય તેણે મજેદાર વાતો પણ શેર કરી હતી. નિલાંજના નામની એક કન્ટેસ્ટન્ટે જ્યારે સલમાનની ફિલ્મ તેરે નામનું એક ગીત ગાયુ તો એક્ટરે પોતાની જૂની યાદો તાજા કરી હતી. સલમાન ખાને આ ફિલ્મને લઈને એક ચોંકાવનારો ખુલાસો પણ કર્યો હતો.
સલમાન ખાને જણાવ્યું કે, ફિલ્મ તેરે નામમાં તેના લૂક પાછળ એક મજેદાર સ્ટોરી સંકળાયેલી છે. જેના અંગે બહુ ઓછા લોકો જાણે છે. સલમાન ખાને જણાવ્યું કે, જ્યારે ફિલ્મ તેરે નામના પ્રોડ્યુસર અને મારા સાર મિત્ર સુનિલ મનચંદા મારી પાસે આવ્યો તો એ સમયે હું એક અન્ય ફિલ્મ કરી રહ્યો હતો.
તેઓએ મને કહ્યું કે, આ ફિલ્મના કેરેક્ટરને નિભાવવા માટે મારે માથે મુંડન કરાવવું પડશે. હું એને લઈને શ્યોર નહોતો, કારણ કે હું પહેલેથી જ એક ફિલ્મનું શૂટિંગ કરી રહ્યો હતો. મને આજે પણ યાદ છે કે, એ સમયે મને તાવ આવ્યો હતો અને બીજી ફિલ્મ માટે એક ડિરેક્ટર મને શૂટ પર બોલાવવા માટે પરેશાન કરી રહ્યા હતા.
સલમાન ખાને આગળ વાત કરતા જણાવ્યું કે, હું ગુસ્સામાં વોશરૂમમાં ગયો અને ઈરિટેટ થઈને માથે મુંડન કરી નાખ્યું. આગલા દિવસે મેં સુનિલજીને ફોન કર્યો અને કહ્યું કે, મેં મારા માથે મુંડન કરી નાખ્યું છે અને હું તેરે નામ કરવા માટે તૈયાર છું.
જાે કે, મોટાભાગના લોકો આ ફિલ્મ કરવા માટે મારી વિરૂદ્ધ હતા. પરંતુ કોઈ કારણોર હું આ ફિલ્મ કરવા માટે તૈયાર હતો. એટલે મેં રાધે મોહનનો આ રોલ લઈ લીધો. મહત્વનું છે કે, તેરે નામમાં એક સિક્વન્સમાં સલમાન ખાનનો રોલ જ્યારે પાગલખાનામાં પહોંચી જાય છે ત્યારે તે માથે મુંડન કરેલો નજરે પડે છે. આ સિવાય તે ફિલ્મમાં લાંબા વાળમા પણ નજરે પડે છે અને તેની આ હેરસ્ટાઈલ પણ ખૂબ જ ચર્ચામાં રહી હતી.SSS
