Western Times News

Latest News from Gujarat

શીણાવાડ ગામે સોમેશ્વર મહાદેવ મંદિરે દ્વિતીય વાર્ષિક પાટોત્સવની ઉજવણી

(તસ્વીરઃ બકોર પટેલ, મોડાસા) મોડાસા તાલુકાના શીણાવાડ ગામે સોમેશ્વર મહાદેવ મંદિરે દ્વિતીય વાર્ષિક પાટોત્સવની શ્રદ્ધા ભક્તિપૂર્વક ધામધૂમથી ઉજવણી કરવામાં આવી હતી.

આ શિવ મંદિરે હવન-યજ્ઞનાદિ કરીને આ દ્વિતીય વાર્ષિક પાટોત્સવની ઉમંગભેર ઉજવણી ગ્રામજનો દ્વારા આજરોજ સંપન્ન થઈ હતી.ભગવાન સદા શિવ,ભોલેનાથ એવા ભગવાન સોમેશ્વર દાદાના ચરણોમાં શીશ નમાવીઆબાલવૃદ્ધ સૌ ભાવિકો -ગ્રામજનોએ દર્શન. આર્ચન..પૂજન .આરતી.. આરાધના કરી ધન્યતા અનુભવી હતી.

ગામના અગ્રણી જેઠાભાઇ પટેલે જણાવ્યું કે સોમેશ્વર મહાદેવ મંદિરે ઉજવાયેલ આ પાટોત્સવના મંગલ અવસરનો લ્હાવો લેવા ગામ અને આસપાસના ગામોના શ્રદ્ધાળુઓ પણ ઉમંગે ઉમટી પડ્યા હતા અને આ અવસરે કાઢવામાં આવેલી શોભાયાત્રામાં પણ જાેડાઈને નાચી-ઝૂમી ઉઠ્‌યાં હતા અને ભગવાન ભોલેનાથના દર્શન કરી સૌ ધન્ય બન્યાં હતાં.*

Copyright © All rights reserved. | Developed by Aneri Developers