Western Times News

Latest News from Gujarat

સરકારે તમામ માંગણીઓ સ્વીકારતા ખેડૂત સંગઠને આંદોલન સમાપ્ત કરવાની જાહેરાત કરી

નવીદિલ્હી, કેન્દ્ર સરકાર તરફથી મળેલી દરખાસ્ત પર સર્વસંમતિ સધાઈ ગયા બાદ ગુરુવારે ખેડૂત સંગઠનો દ્વારા આંદોલન છેડવાની જાહેરાત કરવામાં આવી હતી. અગાઉ, ખેડૂતોની પડતર માંગણીઓ પર, સરકાર દ્વારા કૃષિ સચિવની સહી હેઠળ એક પત્ર મોકલવામાં આવ્યો હતો.

જે બાદ સંયુક્ત કિસાન મોરચાએ બેઠક યોજી હતી. બેઠક પૂરી થયા બાદ આંદોલન પાછું ખેંચવાની જાહેરાત કરવામાં આવી છે.૩૭૮ દિવસ સુધી આ આંદોલન ચાલ્યું હતું અંતે સરકારે ખેડૂતોની તમામ માંગણીઓની સ્વીકાર કરી લેતા બવે આંદોલન સમાપ્ત કરવાની જાહરાત કરી દેવામાં આવી છે.

છેલ્લા ૧૪ મહિનાથી દિલ્હીની સરહદો પર ઉભા રહેલા ખેડૂતોએ આંદોલન ખતમ કરવાની જાહેરાત કરી છે. આજે સાંજથી ખેડૂતો પરત ફરવાનું શરૂ કરી શકે છે. સરકાર દ્વારા મળેલી નવી દરખાસ્ત પર, ખેડૂત સંગઠનોમાં સૈદ્ધાંતિક સહમતિ હતી, પરંતુ ગુરુવારે બપોરે, લાંબી ચર્ચા પછી તેનો ર્નિણય લેવામાં આવ્યો હતો. આ બેઠકમાં ખેડૂત સંગઠનોના ૨૦૦ થી વધુ પ્રતિનિધિઓ હાજર રહ્યા હતા.

સિંઘુ સરહદનું વાતાવરણ પણ ખેડૂતોની વાપસીના સંકેત આપી રહ્યું છે. અહીં લોકોએ તંબુઓ હટાવવાનું શરૂ કરી દીધું છે અને લંગર વગેરેનો સામાન વાહનોમાં રાખવામાં આવ્યો છે. સિંઘુ બોર્ડર પર હાજર કેટલાક ખેડૂતોએ જણાવ્યું કે ૧૧ ડિસેમ્બરથી તમામ ખેડૂતોને પરત કરવાનો ર્નિણય લેવામાં આવ્યો છે. આ પછી ખેડૂતો અમૃતસરના સુવર્ણ મંદિરમાં પ્રાર્થના કરશે અને તેમના ઘરે પહોંચશે.

ઉલ્લેખનીય છે કે સંયુક્ત કિસાન મોરચાની પાંચ સભ્યોની સમિતિના સભ્ય અશોક ધવલેએ જણાવ્યું હતું કે સરકારને મળેલા નવા ડ્રાફ્ટ પર આજે મળનારી બેઠકમાં ચર્ચા કરવામાં આવશે. જે બાદ યુનાઇટેડ કિસાન મોરચા દ્વારા આંદોલન છેડવાનો ર્નિણય લેવામાં આવશે.મંગળવારે સરકારના પ્રસ્તાવ પર યુનાઇટેડ કિસાન મોરચાના મતભેદ બાદ કેન્દ્ર સરકારે બુધવારે નવો પ્રસ્તાવ મોકલ્યો હતો.

આંદોલન સમાપ્ત કરવાના દબાણ હેઠળ કેન્દ્ર સરકારે નવા ડ્રાફ્ટમાં વિરોધીઓ સામેના કેસો તાત્કાલિક પાછા ખેંચવા તેમજ સમિતિની સાથે સરકારે સ્પષ્ટતા કરી કે આ સમિતિ નક્કી કરશે કે તમામ ખેડૂતોને સ્જીઁ કેવી રીતે મળે તેની ખાતરી કરશે વીજળી બિલ વિશે કહેવામાં આવ્યું હતું કે તેને સંસદમાં લાવતા પહેલા સંયુક્ત કિસાન મોરચા સાથે ચર્ચા કરવામાં આવશે.HS

Copyright © All rights reserved. | Developed by Aneri Developers