દેશમાં કોરોનાના છેલ્લા ૨૪ કલાકમાં ૧૬,૭૬૪ નવા કેસ નોંધાયા
નવીદિલ્હી, કોરોનાની બીજી લહેર આપણે સૌ જાેઇ ચુક્યા છે, ત્યારે જે રીતે કોરોનાનાં કેસમાં વધારો થઇ રહ્યો હતો તેવુ જ કઇંક તાજેતરમાં થઇ રહ્યુ હોવાનુ ચર્ચાઇ રહ્યુ છે. તો શું હવે ત્રીજી લહેર આવશે? આ સવાલનો ચોક્કસ જવાબ આપવો તો અગરો છે પરંતુ એટલુ કહી શકાય તેમ છે કે હવે લોકોએ સાવધાની રાખવાની વધુ જરૂર છે.
કેન્દ્રીય આરોગ્ય મંત્રાલય દ્વારા જાહેર કરવામાં આવેલા આંકડા અનુસાર, ભારતમાં છેલ્લા ૨૪ કલાકમાં કોરોનાનાં ૧૬,૭૬૪ નવા કેસ નોંધાયા છે. આ સાથે દેશમાં હાઈલી ટ્રાન્સમિસિબલ કોરોના વાયરસ વેરિઅન્ટ ઓમિક્રોનનાં કુલ કેસની સંખ્યા ૧૨૭૦ પર પહોંચી ગયા છે.
આ વાયરસને કારણે દેશમાં ૨૨૦ લોકોનાં મોત થયા છે, જેમાંથી ૧૬૪ લોકોએ એકલા કેરળમાં જીવ ગુમાવ્યા છે. દેશમાં આ મહામારીથી મૃત્યુઆંક વધીને ૪,૮૧,૦૮૦ થઈ ગયો છે. મંત્રાલયે માહિતી આપી હતી કે, છેલ્લા ૮૮ દિવસનો દૈનિક પોઝિટિવિટી રેટ (૧.૩૪%) ૨% કરતા ઓછો છે અને છેલ્લા ૪૭ દિવસ માટે સાપ્તાહિક પોઝિટિવિટી રેટ (૦.૮૯%) ૧% કરતા ઓછો છે.
આ સાથે દેશવ્યાપી રસીકરણ અભિયાન હેઠળ અત્યાર સુધીમાં ૧૪૩.૮૩ કરોડ રસીનાં ડોઝ આપવામાં આવ્યા છે. છેલ્લા ૨૪ કલાકમાં ૬૬,૬૫,૨૯૦ લોકોને રસી આપવામાં આવી છે. ભારતમાં સક્રિય કેસલોડ હાલમાં ૯૧,૩૬૧ છે. કુલ કેસોમાં સક્રિય કેસોનો હિસ્સો ૧% કરતા ઓછો છે, જે હાલમાં ૦.૨૬% છે. રિકવરી રેટ હાલમાં ૯૮.૩૬% છે. છેલ્લા ૨૪ કલાકમાં ૭,૫૮૫ ઠીક થવા સાથે, આ મહામારીમાંથી ઠીક થનારા લોકોની સંખ્યા વધીને ૩,૪૨,૬૬,૩૬૩ થઈ ગઈ છે.
છેલ્લા ૨૪ કલાકમાં દેશમાં ૧૨,૫૦,૮૩૭ લોકોનાં કોરોના ટેસ્ટ કરવામાં આવ્યા છે, જ્યારે અત્યાર સુધીમાં કુલ ૬૭.૭૮ કરોડ ટેસ્ટ કરવામાં આવ્યા છે. આ પ્રકારની ચિંતા, જે નવેમ્બરમાં દક્ષિણ આફ્રિકામાં પ્રથમવાર મળી હતી, તે હવે દેશનાં ૨૩ રાજ્યોમાં ફેલાઈ ગયા છે.
મહારાષ્ટ્રમાં સૌથી વધુ ૪૫૯ કેસ સાથે ઓમિક્રોન કેસ છે, ત્યારબાદ દિલ્હીમાં ૩૨૦ કેસ છે. જાે કે ૧૨૭૦ માંથી ૩૭૪ લોકો ઠીક થયા છે.
સરકારે જણાવ્યું કે, રાજ્યો/કેન્દ્રશાસિત પ્રદેશોને ૧૫૦.૬૬ કરોડથી વધુ રસીનાં ડોઝ પૂરા પાડવામાં આવ્યા છે, જેમાંથી ૧૬.૯૪ કરોડથી વધુ બાકી અને બિનઉપયોગી રસીનાં ડોઝ હજુ પણ રાજ્યો/કેન્દ્રશાસિત પ્રદેશો પાસે ઉપલબ્ધ છે.HS
