બિગ બોસ કન્ટેસ્ટન્ટ રહી ચુકેલી નેહા ભસીન કોરોના પોઝિટિવ
મુંબઇ, બિગ બોસ ૧૫માં જાેવા મળેલી સિંગર નેહા ભસીન કોરોના વાયરસની ઝપેટમાં આવી છે. દેશમાં કોરોના વાયરસનાં સક્રિય કેસ નિયંત્રણમાં આવવા લાગ્યા છે, પરંતુ હજુ પણ થોડી બેદરકારી આખા કામને બગાડી રહી છે. હવે સિંગર નેહા ભસીનનો કોરોના વાયરસ રિપોર્ટ પોઝિટિવ આવ્યો છે.
નેહા ભસીને સોશિયલ મીડિયા પર આ જાણકારી આપી છે. નેહા ભસીને ઈન્સ્ટાગ્રામ પર લખ્યું છે કે તે છેલ્લા ૪૮ કલાકથી ખૂબ જ તાવમાં છે. નેહા ભસીને ઈન્સ્ટાગ્રામ સ્ટોરી પર ૩ પોસ્ટ શેર કરી છે. પ્રથમ પોસ્ટમાં તેણે માત્ર કોવિડ પોઝિટિવ લખ્યું છે. બીજી પોસ્ટમાં તેણે લખ્યું છે કે, ‘હે ભગવાન, હું છેલ્લા ૪૮ કલાકથી ખૂબ જ તાવમાં છું.’ વળી, ત્રીજી પોસ્ટ દ્વારા, તેણે તેના ચાહકોનો આભાર માન્યો છે.
આ પોસ્ટમાં તેણે લખ્યું, ‘તમારી પ્રાર્થના માટે આભાર.. હું ઈચ્છું છું કે હું કહી શકું કે હું ઠીક છું પણ હું જલ્દી સ્વસ્થ થઈ જઈશ. સલામત રહો. તાજેતરમાં નેહા ભસીન તેની ખાસ મિત્ર અને બિગ બોસ ૧૫ની ફાઇનલિસ્ટ શમિતા શેટ્ટીની બર્થડે પાર્ટીમાં પહોંચી હતી.
આ જન્મદિવસની પાર્ટીમાં (૨ ફેબ્રુઆરી), શમિતા શેટ્ટીએ તેના કેટલાક ખાસ મિત્રોને જ આમંત્રણ આપ્યું હતું જેઓ બિગ બોસ ૧૫નાં સ્પર્ધક હતા. આ પાર્ટીમાં રશ્મિ દેસાઈ, પ્રતિક સહજપાલ, નિશાંત ભટ્ટ, રાકેશ બાપટ, રાજીવ અડતિયા અને ઉમર રિયાઝ જાેવા મળ્યા હતા. આ બધા લોકોએ મળીને શમિતા શેટ્ટીનાં જન્મદિવસ પર ખૂબ જ હોબાળો મચાવ્યો હતો.
આપને જણાવી દઈએ કે, બિગ બોસ ૧૫ પહેલા શમિતા શેટ્ટી અને નેહા ભસીન પણ બિગ બોસ ઓટીટીમાં જાેવા મળી હતી. બંનેની મિત્રતા કરણ જાેહરનાં આ ઓટીટી શોમાં થઈ હતી. આ શોમાં બંને સુંદરીઓ વચ્ચે મજબૂત બોન્ડિંગ જાેવા મળ્યું હતું. પ્રતિક સહજપાલ, રાકેશ બાપટ અને નિશાંત ભટ્ટ પણ બિગ બોસ ઓટીટીનો ભાગ રહી ચૂક્યા છે.HS
