અમિતાભ બચ્ચન સ્ટારર ‘ઝુંડ’નું ટીઝર રિલીઝ, બિગ બીનો દમદાર લુક જોવા મળ્યો
મુંબઈ, અમિતાભ બચ્ચન સ્ટારર ‘ઝુંડ’નું ટીઝર રિલીઝ કરી દેવામાં આવ્યું છે. તેમાં બિગ બી પોતાના ‘ઝુંડ’ની સાથે જોવા મળી રહ્યા છે. ફિલ્મના ટીઝરમાં અમિતાભ બાળકોની મંડળી સાથે જોવા મળી રહ્યા છે. તેમાં અમિતાભ સિવાય કેટલાક યંગસ્ટર્સ જોવા મળી રહ્યા છે જે વિવિધ વસ્તુઓ દ્વારા મ્યુઝિક બનાવી રહ્યા છે.
આ સ્પોર્ટ્સ-ડ્રામા ફિલ્મને 4 માર્ચ 2022ના રોજ સિનેમાઘરોમાં રિલીઝ કરવામાં આવશે. ભૂષણ કુમાર, કિશન કુમાર, સવિતારાજ હીરામત, રાજ હીરામત, નાગરાજ મંજુલે, ગાર્ગી કુલકર્ણી અને નીલુ અરોરાએ ફિલ્મને પ્રોડ્યુસ કરી છે. આ ફિલ્મમાં અમિતાભ બચ્ચન સિવાય આકાશ થોસર, રિંકુ રાજગુરુ જેવા કલાકારો પણ લીડ રોલમાં છે.
સુપરહિટ મરાઠી ફિલ્મ સૈરાટના ડિરેક્ટર નાગરાજ મંજુલે ‘ઝુંડ’ ફિલ્મથી બોલિવૂડમાં ડેબ્યુ કરી રહ્યા છે. ‘ઝુંડ’ની કહાની ‘સ્લમ સોકર ફાઉન્ડેશન’ના સ્થાપક અને કોચ વિજય બારસેની કહાની પર આધારિત છે. ફિલ્મમાં અમિતાભ બચ્ચને પ્રોફેસરનો રોલ પ્લે કર્યો છે અને તેઓ સ્લમ એરિયાના બાળકોને ફૂટબોલ શીખવે છે અને તેની ટીમ બનાવે છે.
