રશિયા સાથે યુદ્ધની તૈયારીઓ વચ્ચે યુક્રેન સરકારે ક્રિપ્ટોકરન્સીને માન્યતા આપી
નવીદિલ્હી, રશિયા અને યુક્રેન વચ્ચે યુદ્ધની સ્થિતિ છે. યુદ્ધ ગમે ત્યારે થઈ શકે છે, યુક્રેનમાં અરાજકતાનું વાતાવરણ છે. તણાવના આ વાતાવરણ વચ્ચે યુક્રેનથી એક સમાચાર આવ્યા, જેનાથી લાખો લોકોને ઘણો ફાયદો થયો.
હકીકતમાં, યુક્રેનની સંસદે આ તંગ વાતાવરણ વચ્ચે ક્રિપ્ટોકરન્સી સંબંધિત કાયદો પસાર કર્યો હતો. આ પછી, યુક્રેનમાં બિટકોઇન અને અન્ય ક્રિપ્ટોકરન્સી દેશમાં કાયદેસર બની ગઈ છે. રિપોર્ટ અનુસાર, ૨૭૨ સાંસદોએ આ બિલના સમર્થનમાં વોટિંગ કર્યું, જ્યારે ૬ લોકોએ તેનો વિરોધ કર્યો.
આ સંબંધમાં કાયદો પસાર કર્યા બાદ યુક્રેનના નાયબ વડા પ્રધાન મિખાઈલો ફેડોરોવે ટિ્વટર પર કહ્યું, ‘ક્રિપ્ટોકરન્સીના ઉપયોગમાં આપણે પહેલાથી જ વિશ્વના ટોપ-૫ દેશોમાં સામેલ છીએ. આજે આપણે વધુ એક પગલું આગળ વધાર્યું છે. સંસદે ક્રિપ્ટોકરન્સી પર કાયદો પસાર કર્યો છે. હવે ક્રિપ્ટોકરન્સી કાયદેસર હશે અને યુક્રેનના લોકો તેના દુરુપયોગ અને છેતરપિંડીથી સુરક્ષિત રહેશે.
જયારે યુક્રેનમાં કાયદો પસાર થવા વચ્ચે, બિટકોઇનમાં ઘણી તેજી જાેવા મળી હતી. લગભગ તમામ મુખ્ય ક્રિપ્ટોકરન્સી વધી રહી હતી. આ સમાચાર મળતાની સાથે જ બિટકોઈન ગ્રીન માર્ક પર ૩ ટકા વધીને ઇં૪૬ હજાર થઈ ગયો. તમને જણાવી દઈએ કે યુક્રેન પહેલા અલ સાલ્વાડોરે પણ બિટકોઈનને કાનૂની ચલણનો દરજ્જાે આપ્યો છે. તેનો ઉપયોગ યુક્રેનમાં થતો હતો, પરંતુ તે ત્યાં કાયદેસર ન હતો.
હવે તેને કાયદેસર માન્યતા આપવામાં આવી છે. જાે આપણે ભારતની વાત કરીએ તો અહીં પણ તેને માન્યતા નથી, પરંતુ તેમાં વેપાર અને લેવડ-દેવડની છૂટ છે.HS
