કીવ-ખાર્કિવ પર રશિયાની ઘેરાબંધી, રશિયાના હુમલામાં ૫૩૬નાં મોત
ખારકીવ, યુક્રેન પર રશિયાના હુમલાનો આજે છઠ્ઠો દિવસ છે. રશિયન સૈન્ય યુક્રેનના ઘણા શહેરોમાં બોમ્બમારો કરી રહ્યું છે અને શેરીઓમાં ગોળીબાર કરી રહ્યું છે.
દરમિયાન, યુક્રેનના રાષ્ટ્રપતિના સલાહકાર, ઓલેકસી એરેસ્ટોવિચે જણાવ્યું હતું કે રશિયન દળો કિવ અને યુક્રેનના બીજા સૌથી મોટા ઉત્તરપૂર્વીય શહેર ખાર્કિવને ઘેરી લેવાનો પ્રયાસ કરી રહ્યા છે.
એરેસ્ટોવિચે એક ટેલિવિઝન બ્રીફિંગમાં જણાવ્યું હતું કે રશિયન સૈનિકોએ કિવ, ખાર્કિવ અને દક્ષિણ બંદર શહેર માર્યુપોલમાં રાતોરાત બોમ્બ ધડાકા કર્યા હતા. જવાબમાં, યુક્રેનિયન સૈન્યએ રાજધાનીની આસપાસ રશિયન લશ્કરી વિમાનોને તોડી પાડ્યા.
એરેસ્ટોવિચે કહ્યું કે વર્તમાન પરિસ્થિતિ નિયંત્રણમાં છે. સંયુક્ત રાષ્ટ્રએ મંગળવારે જણાવ્યું હતું કે ગયા અઠવાડિયે રશિયાએ યુક્રેન પર આક્રમણ કર્યું ત્યારથી ૧૩ બાળકો સહિત ઓછામાં ઓછા ૧૩૬ નાગરિકો માર્યા ગયા છે અને ૪૦૦ ઘાયલ થયા છે.
યુએન હ્યુમન રાઇટ્સ ઓફિસના પ્રવક્તા લિઝ થ્રોસેલે એક બ્રીફિંગમાં જણાવ્યું હતું કે આ સંખ્યા વધુ હોવાની શક્યતા છે. જાનહાનિમાં, ૨૫૩ પૂર્વી યુક્રેનના ડોનેટ્સક અને લુગાન્સ્ક પ્રદેશોના લોકોનો સમાવેશ થાય છે. અમેરિકાએ સોમવારે ૧૨ રશિયન રાજદ્વારીઓને જાસૂસી પ્રવૃત્તિઓમાં સામેલ થવા બદલ દેશમાંથી હાંકી કાઢ્યા હતા.
યુએનમાં યુએસ એમ્બેસેડરના પ્રવક્તા ઓલિવિયા ડાલ્ટને કહ્યુંઃ યુએસએ રશિયન મિશનને જાણ કરી છે કે અમે રશિયન મિશનમાંથી ૧૨ ઇન્ટેલિજન્સ ઓપરેટિવ્સને દૂર કરવાની પ્રક્રિયા શરૂ કરી રહ્યા છીએ જેમણે યુનાઇટેડ સ્ટેટ્સમાં તેમના નિવાસના વિશેષાધિકારોનો દુરુપયોગ કર્યો હતો.
જે આપણી રાષ્ટ્રીય સુરક્ષા વિરુદ્ધ છે. ખાર્કિવના સેન્ટ્રલ સ્ક્વેરમાં પ્રાદેશિક રાજ્ય વહીવટીતંત્રની ઇમારતને રશિયન સૈન્ય દ્વારા ઉડાવી દેવામાં આવી છે. નવીનતમ માહિતી અનુસાર, આ હુમલામાં ૧ બાળક સહિત ૬ લોકો ઘાયલ થયા છે.SSS
