રશિયા પર પ્રતિબંધ લગાવવો યોગ્ય નથી,તમામ દેશને થશે નુકશાન: ચીન
બીજીંગ, ચીનના રાષ્ટ્રપતિ શી જિનપિંગે યુક્રેન પર હુમલા બાદ રશિયા પર લગાવવામાં આવેલા પ્રતિબંધોનો વિરોધ કર્યો છે. તેમણે કહ્યું કે આ પ્રતિબંધો દરેક માટે નુકસાનકારક છે. જિનપિંગે આ વાત ફ્રાન્સના રાષ્ટ્રપતિ ઈમેન્યુઅલ મેક્રોન અને જર્મન ચાન્સેલર ઓલાફ સ્કોલ્ઝ સાથે વીડિયો સમિટ દરમિયાન કહી હતી.
“અમે કટોકટીની નકારાત્મક અસરોને ઘટાડવા માટે સાથે મળીને કામ કરવા માંગીએ છીએ,” જિનપિંગે કહ્યું. વિશ્વ અર્થતંત્રના સંદર્ભમાં, રશિયા પર લાદવામાં આવેલા પ્રતિબંધો વૈશ્વિક સ્તરે નાણાં, ઉર્જા સંસાધનો, પરિવહન અને સપ્લાય ચેઇનની સ્થિરતા પર અસર કરશે. , જ્યારે વિશ્વ પહેલેથી જ કોવિડ રોગચાળાની ખરાબ અસરો હેઠળ ઝઝૂમી રહ્યું છે, ત્યારે આ પ્રતિબંધો તમામ પક્ષો માટે હાનિકારક છે.
અમેરિકા અને તેના સહયોગીઓ દ્વારા યુક્રેન સાથે વિવાદો વધારવાના રશિયાના આરોપોને ચીને સમર્થન આપ્યું છે. આટલું જ નહીં, તેણે રશિયા પર પ્રતિબંધ મૂકવા માટે સંયુક્ત રાષ્ટ્રમાં મતદાનમાં પણ ભાગ લીધો ન હતો. જિનપિંગે યુક્રેન અને રશિયા વચ્ચે ચાલી રહેલા યુદ્ધ પર ચિંતા અને ઊંડું દુઃખ વ્યક્ત કર્યું છે. તેમણે બંને પક્ષોને શાંતિ મંત્રણા આગળ ધપાવવા વિનંતી કરી. સાથે જ તેમણે પુનરોચ્ચાર કર્યો કે ચીન આ યુદ્ધને રોકવા માટે મધ્યસ્થીની ભૂમિકા ભજવવા માટે તૈયાર છે.HS
