પતિ બંને પત્નીઓ સાથે ૩-૩ દિવસ રહેશે, ૧ દિવસ માતા-પિતાને ફાળવ્યો
લખનૌ, ઉત્તર પ્રદેશના રામપુર જિલ્લામાં પતિની વહેંચણીનો એક વિચિત્ર કિસ્સો સામે આવ્યો છે. અહીં એક પરિણીત પુરુષે બીજી છોકરી સાથે લગ્ન કરવા પડ્યા હતા. તેના બીજા લગ્ન પ્રથમ પત્નીની સંમતિ બાદ થયા હતા.
પતિની બે પત્ની હોવા કરતાં પણ વધુ આઘાતજનક બાબત એ છે કે બંને પત્નીઓની સંમતિથી પતિનું વિભાજન પણ થઇ ગયું. આ વિભાજન હેઠળ ૨ પત્નીઓના પતિને અઠવાડિયામાં ૩ દિવસ એક પત્ની સાથે અને બીજા ૩ દિવસ બીજી પત્ની સાથે રહેવાની ફરજ પડી હતી. આ આખો મામલો સોશિયલ મીડિયા પર ખીલેલા પ્રેમના મુદ્દા સાથે જાેડાયેલો છે. હવે આ અનોખી ઘટનાની ચર્ચા સમગ્ર વિસ્તારમાં થઇ રહી છે.
રિપોર્ટ્સ અનુસાર પતિની વહેંચણીની આ ઘટના રામપુર જિલ્લાના ઢોકપુરી ટાંડા વિસ્તારની છે. એક પરિણીત પુરુષ આસામની એક યુવતી સાથે સોશિયલ મીડિયા પર પ્રેમમાં પડ્યો હતો. બંને વચ્ચે પ્રેમનું ફૂલ ખીલ્યું હતું અને બાદમાં તેઓ બંને ચંદીગઢમાં લિવ-ઈનમાં રહેવા લાગ્યા હતા.
જાેકે થોડા સમય પછી યુવકને ગર્લફ્રેન્ડની પ્રેગ્નન્સી વિશે ખબર પડી. તેનાથી તે ડરી ગયો અને ચંદીગઢથી તેના ગામ ભાગી આવ્યો હતો. તેની ગર્ભવતી ગર્લફ્રેન્ડ તેને શોધતી શોધતી ગામમાં પહોંચી ત્યારે ત્યાં હોબાળો મચી ગયો હતો. જ્યારે સમગ્ર મામલો સામે આવ્યો ત્યારે વ્યક્તિની પ્રથમ પત્નીએ પણ તેના પતિના બીજા લગ્ન માટે સંમત થવું પડ્યું હતું.
આ વ્યક્તિ માટે પ્રેમ હવે ફાંસો બની ગયો હતો. ગર્લફ્રેન્ડ સાથે લગ્ન કર્યા પછી બે પત્નીઓના પતિ હવે કોની સાથે રહેશે તે વિચારણા કરવામાં આવી હતી. આ પછી નક્કી થયું કે યુવક સોમવાર, મંગળવાર અને બુધવારે પહેલી પત્ની સાથે રહેશે. જ્યારે ગુરુવાર, શુક્રવાર અને શનિવારે બીજી પત્ની સાથે સમય પસાર કરવો પડશે. રવિવારે પણ તે તેના માતા-પિતા સાથે રહેશે.
પ્રેમિકા ગર્ભવતી થયા બાદ યુવક તેના ગામ ભાગી ગયો હતો. આ પછી ગર્ભવતી મહિલા પોલીસની મદદથી તેના બાળકના પિતા સુધી પહોંચવામાં સફળ રહી હતી. હાઈવોલ્ટેજ ડ્રામા બાદ પરિણીતાએ તેની પ્રેમિકા સાથે લગ્ન કરવા પડ્યા હતા. હવે તે બે પત્નીઓ સાથે રહે છે. તેની ગર્લફ્રેન્ડની બીજી પત્નીએ પણ બાળકને જન્મ આપ્યો છે.HS
